Црна хроника
МВР: За половина година регистрирани 1.753 сообраќајни несреќи
Секоја година во Република Македонија во сообраќајни несреќи животот го губат во просек по околу 157 лица, а најчесто учесници во сообраќајните несреќи се лица на возраст од 21 до 24 години, соопштуваат од Министерството за внатрешни работи на Република Македонија.
Од таму додаваат дека една од најголемите причина за сообраќајните незгоди е возењето под дејство на алкохол. Сообраќајни контроли во изминатиот шестмесечен период констатирале дека во просек неделно над 200 возачи управуваат возило под дејство на алкохол.
Споре податоците на МВР од 2006 до 2013 година процентот на загинати лица во сообраќајни несреќи на популација од 100 илјади жители изнесува 7,8 отсто.
Токму поради ваквата статистика, МВР во соработка со Републичкиот совет за безбедност на сообраќајот на патиштата најави дека ќе продолжи со низата превентивни активности пред се кај маладата популација во насока на зголемување на степенот на сообраќајна едукација и култура кај учесниците во сообраќајот и генерално за зголемување на безбедноста во сообраќајот.
Ваквата мерка ја потврди и министерката за внатрешни работи, Гордана Јанкулоска, којашто во саботата во вечерните часови на фреквентната скопска сообраќајница „Орце Николов“ заедно со претставници на Републичкиот совет за безбедност во сообраќајот на помладите учесници во сообраќајот им делеше флаери со едукативна содржина – “алкохол и волан најлоша комбинација“, а во рамки на акцијата „Летна кампања 2014 година“, која се реализира во текот на овој и идниот месец.
Имено според статистичките согледувања и анализи најголемиот број тешки сообраќајни несреќи се случуваат во населените места во текот на овие два летни месеци, и во деновите петок и сабота кога младите се најактивни.
Во текот на 2013 година се случила вкупно 4.236 сообраќајни незгоди со потешки последици, а во 144 случаи возилото го управувале лица под дејство на алкохол.
За првите шест месеци од оваа година се случиле 1.753 сообраќајни незгоди со фатални последици во кои загинале 64 лица, а преку 403 лица се здобиле со тешки телесни повреди додека пак 2.028 лица се здобиле со телесни повреди.
Во рамки на МВР дефинирани се низа пред се превентивни активности особено за контрола на загрозувачкит прекршоци во сообраќајот на патиштата, кои ги прават младите возачи, и истите секојдневно ќе се спроведуваат на контролни места односно делници каде најчесто се прават прекршоците.
Исто така се организиираат и спроведуваат засилени акциски контроли, најмалку една во текот на неделата, при што во план е да се поделат повеќе од 50 илјади флаери за подигнување на свеста кај младите возачи./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Автомобил се судри со автобус кај Тетово – тројца загинати, едно дете е повредено

Три лица го загубија животот, а едно дете е повредено во тешка сообраќајна несреќа што попладнево се случи на автопатот кон Скопје, во близина на Тетово.
Увид на лице место изврши дежурен јавен обвинител од Основното јавно обвинителство Тетово. Според првичните информации, до несреќата дошло при контакт меѓу патничко возило и автобус, при што автомобилот со кој патувале тројцата загинати и повреденото дете излетал од патот.
Обвинителството презема дејствија за утврдување на причините и околностите на несреќата. Издадена е наредба за обдукција на починатите лица, а за возачот на автобусот е наредено испитување на евентуално присуство на алкохол или други психоактивни супстанции. Двете возила се одземени за технички преглед.
На лице место беше повикано стручно лице – сообраќаен вештак, а ќе биде изготвено и целосно сообраќајно-техничко вештачење врз основа на собраните докази, фотодокументацијата и трагите подигнати од местото на несреќата.
Црна хроника
27-годишен гостиварец обвинет за објавување приватни фотографии и сексистички објави

МВР по неколкумесечна истрага откри и поднесе кривична пријава против 27-годишен маж од Гостивар, К.Н., кој на 28 февруари преку лажен профил на Инстаграм објавувал фотографии од шест девојки од Гостивар, кои ги прибавил без нивна согласност.
Објавите биле придружени со текстови со навредлива, сексистичка содржина.
Пријавениот признал дека ги злоупотребил личните податоци на девојките, а против него е поднесена кривична пријава за злоупотреба на лични податоци.
Лицето е повикано на службен разговор во Полициската станица Карпош, каде што го признало делото.
Црна хроника
Го излажале дека ќе му транспортираат „мерцедес“ од Швајцарија: тетовец останал и без пари и без возило

Вчера во 15.30 часот во СВР Тетово, 46-годишник од тетовско село, пријавил дека бил измамен од лице кое се претставило дека е од Скопје и е претставник на фирма која вршела транспорт на моторни возила Швајцарија во Македонија.
Според пријавеното, во текот на овој месец, тој на социјална мрежа стапил во контакт со лицето и се договориле да му транспортира возило „мерцедес“ од Швајцарија за сума од 1.000 евра.
Како што е пријавено, лицето му пуштило фактура и побарало од него парите да ги прати преку брз трансфер на друго лице.
Исто така, според пријавеното, откако лицето не го презело возилото и му биле наведувани различни причини затоа, тој сфатил дека е измамен. Се преземаат мерки за расчистување и документирање на случајот, соопшти полицијата.