Црна хроника
На должност убиени двајца њујоршки полицајци

Неидентификуван маж убил двајца припадници на њујоршката полиција додека биле на должност, што е прв таков случај по три години, пренесува во неделата The New York Times и додава дека засега нејасни се мотивите за злосторството.
Неидентификуван маж убил двајца припадници на њујоршката полиција додека биле на должност, што е прв таков случај по три години, пренесува во неделата The New York Times и додава дека засега нејасни се мотивите за злосторството.
Според заменичката началник на локалната полиција, Ким Ројстер, напаѓачот отворил оган врз полицајците додека тие седеле на предните седишта во патролното возило, а потоа побегнал кон најблиската станица на подземната железница. „Очигледно полицајците биле погодени во горните делови од телата“, изјавила Ројстер.
Според очевидец, најмалку еден од полицајците бил застрелан во главата во патролното возило во њујоршки Бруклин во саботата попладне по локално време
Напаѓачот потоа се самоубил. Полицијата подоцна го пронашла неговото оружје во патролното возило и утврдила дека тој пришол од совозачката страна на автомобилот.
Засега не е соопштени идентитетот на жртвите и на напаѓачот, како ни можните мотиви за двојното убиство.
Весникот потсетува дека последниот случај на убиство од огнено оружје на полицаец на службена должност датира од 2011 година, кога е убиен полицаецот Питер Фигоски./крај/мф/сн
Извор: The New York Times
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.