Црна хроника
Обид за убиство во Кичево

Жител на кичевското село Горно Строгомиште минатиот месец застрела маж во центарот на Кичево. Против него е поднесена кривична пријава за ’обид за убиство’.
Инцидентот се случи на 28-ми минатиот месец околу 12 часот на улицата „Маршал Тито“ во Кичево кога дошло до жестока расправија и физичка пресметка меѓу А.А. (55) жител на кичевското село Горно Строгомиште и И.С. од селото Зајас. Во еден момент А.А. извадил пиштол марка „Црвена застава“ калибар 7,65 милиметри што го поседувал со одобрение и испукал еден куршум кон И.С. со намера да го лиши од живот. Но, куршумот завршил во левата надколеница на И.С. и тој го преживеал обидот за убиство. Набрзо по инцидентот А.А. бил приведен во полициската станица во Кичево.
Против него е поднесена кривична пријава поради постоење основи на сомнение за сторено казнено дело „убиство во обид“.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени четири лица, украле биста од Градските гробишта во Бутел

Четири лица од Скопје се уапсени, биле фатени веднаш откако украле бронзена биста од гробиштата во Бутел.
Според информациите на МВР, вчера во 18:30 часот на Градските гробишта Бутел, полициски службеници ги уапсиле О.Ш.(49), М.Ш.(22), Љ.Ф.А.(26) и З.Р.(26), сите од Скопје.
Во возилото „пежо“ со скопски регистарски ознаки, кое го управувал З.Р., а останатите се сопатници е пронајдена и одземена бронзена биста со две човечки тела во седечка положба, од кој едниот е во поголема, а другиот помала форма, која непосредно пред тоа ја одзеле од гробиштата. Од З.Р. е одземено и возилото, а сопстеничката извршила препознавање на бистата.
Лицата се задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Жена од кочанско измамена за 4.000 евра со лажни ветувања за пензија

61-годишна жена од кочанско пријавила дека била измамена од 59-годишниот П.Г. од истиот регион за сума од 4.000 евра.
Според пријавата, во октомври 2020 година тој ѝ ветил дека со пријатели од Скопје ќе ѝ овозможи да добие пензија. Жената во декември 2023 година му ги предала парите, по што до крајот на 2024 година имале повремени контакти, но потоа тој престанал да одговара на нејзините повици.
Од МВР информираат дека се преземаат мерки за целосно расчистување на случајот.
Црна хроника
Скопјанка го пријавила својот брат поради психичко вознемирување, веќе му било забрането да и’ се приближува

Во СВР Скопје на 17 септември околу 20 часот, 47-годишна жена од Скопје пријавила дека нејзиниот брат Д.М. (46) подолг период ја вознемирувал психички и ѝ упатувал закани.
Според пријавата, против него веќе била изречена мерка за забрана за доближување.
Од МВР информираат дека се преземаат мерки за целосно расчистување на случајот.