Црна хроника
Обвинение за двојното убиство во Вевчани

Струшкото јавно обвинителство поднесе обвинение против поранешниот поштар од Вевчани кој уби двајца соселани, а се обиде да убие уште двајца. Осомничениот ќе одговара за убиство со умисла.
Двојното убиство се случи на 13 август, кога поранешниот поштар поминувајќи покрај летната тераса на кафе барот „Пјаца“ почнал да се расправа со сопственикот на кафе барот и други соселани.По половина час се вратил, држејќи во рацете метална шипка и пиштол марка „Црвена застава“ калибар 7,65 мм.Ги нападнал присутните на масата, најпрвин замавнувајќи со шипката, а потоа и пукајќи со пиштолот кон нив. Две лица им подлегнаа на повредите, а другите две лица поминаа со повреди кои им беа санирани во струшката болница.Мотив за убиството најверојатно бил расчистување на некои долгови и нерасчистени сметки меѓу убиецот и сопственикот на кафе барот. Поштарот 20 години не се појавувал во селото поради коцкарски долгови. На критчниот ден се вратил во селото и најверојатно му барал пари на сопственикот на кафе барот./крај/со/ффс
Извор: Извор фото: Ohridnews
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.