Црна хроника
Охриѓанец се обидел да убие сограѓанин, го ранил во нозете
Охриѓанец, по расправија со сограѓанини, испукал кон него неколкупати, при што го ранил во нозете. Тој е приведен, а против него ќе биде поднесена пријавата за „обид за убиство“, соопшти полицијата.
Имено, доцна синоќа, СВР Охрид го приведе и од слобода го лиши Н.Т. (52) од Охрид поради постоење на основи на сомнение дека е сторител на кривичното дело „убиство во обид“.
Н.Т. е приведен по кратко време откако во 23 часот и 45 минути во полициската станица во Охрид беше добиено телефонско известување за случено пукање од огнено оружје во сендвичара „Пинк Пантер“ на улицата ,,Македонски просветители“ Охрид.
Тука пристигнал сега приведениот и забележувајќи го А.И. (33) од Охрид, настанала меѓусебна вербална расправија која набрзо преминала во жестока тепачка. Во еден момент, сега приведениот Н.Т. од предниот дел од појасот извадил огнено оружје за кое не поседува дозвола, го вперил кон А.И. и испукал еден проектил. Испукувањето се случило кога А.И. сакал да се отргне од Н.Т. и го фатил за рацете со цел да го оттурне од себе. Во тој момент се случило испукување на уште неколку проектили по што А.И.се здобил со тешки телесни повреди во пределот на нозете.
Лицето А.И. е пренесено во ЈЗУ Општа болница Охрид и по укажаната лекарска помош е префрлено во специјална болница „Св Еразмо“ Охрид за натамошно лекување.
По консултација со Јавен обвинител и по целосно расчистување на настанот, СВР Охрид против Н.Т. ќе поднесе соодветна кривична пријава./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.