Црна хроника

Во кафеана се заканувал со пиштол, па завршил на кардиологија

Објавено пред

4 години

- 11 декември, 2016

Од

Еден од тројцата млади кичевчани кои ноќта кон саботата со пиштол им се заканувале на гостите во кафеана во Македонски Брод, подоцна завршил во охридската болница поради срцеви проблеми, а другите двајца се приведени во полициската станица во Кичево, соопшти во неделата Министерството за внатрешни работи.

Според соопштението, на 10.12.2016 година околу 01,45 часот во Македонски Брод во угостителски објект влегле лицата Е.П. (21), А.В. (23) и Д.С. (25), сите од Кичево, и почнале да се расправаат со гостите, при што направиле оштетување на неколку маси и столици. Во еден момент Е.П. извадил пиштол непозната марка и го насочувал кон гостите, заканувајќи им се дека ќе пука и дека ќе ги убие.

После тоа сторителите го напуштиле местото на настанот.

Лицето идентификувано со иницијалите Д.С. и претходно бил во истиот угостителски објект и се расправал со сопственикот.

Наведените лица се приведени, но Д.С. поради срцеви проблеми е пренесен во Медицински центар „Свети Стефан“ во Охрид каде е задржан на лекување, додека Е.П. и А.В. се задржани во Полициската станица Кичево.

Од страна на полициски службеници извршен бил преглед во автомобил „БМВ“ со регистарски ознаки од Македонски Брод, при што во делот на совозачкото седиште и вратата била пронајдена рамка со осум куршуми калибар 9мм од непознато огнено оружје, кои со потврда се одземени од Е.П..

Лицата, со кривична пријава, по брза постапка ќе бидат предадени на Основен суд./крај/мф

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:pistol zakana закана пиштол

Следно

Охриѓанец се обидел да убие сограѓанин, го ранил во нозете

Претходно

Обид за провала во детска градинка во Штип, каде имало избирачки материјал

Црна хроника

Приведен дилер на дрога од Тетово, при претреси пронајдена дрога и оружје

Објавено пред

2 часа

- 18 мај, 2021

Од

Макфакс

Полициски службеници од Одделението за недозволена трговија со дрога и оружје при СВР Тетово приведоа 21-годишен жител на Тетово кај кого била најдена дрога и оружје.

Според информациите од МВР, при извршени претреси во дом и помошни простории во с.Боговиње и на ул.„Штипска“ во Тетово била пронајдена поголема количина марихуана и пиштол, кој го поседувал без дозвола. Дрогата е предадена на вештачење, а Б.Б. е приведен во полициска станица и против него ќе биде поднесен соодветен поднесок.

Прикажи повеќе...

Црна хроника

Притвор за државјанин на Албанија кој со стап нападнал лице во селото Гнеотино

Објавено пред

2 часа

- 18 мај, 2021

Од

Макфакс

Основното јавно обвинителство Битола поведе постапка против 35-годишен државјанин на Република Албанија.

Осомничениот на 13 мај 2021 година, околу 15:30 часот во селото Гнеотино кај м.в. Чаир, физички нападнал едно лице удирајќи го со стап по главата. Од ударите кај оштетениот настапила тешка телесна повреда.

Јавниот обвинител до надлежниот суд достави предлог за определување мерка притвор за осомниченото лице со цел обезбедување непречено одвивање на постапката. Судијата на претходна постапка при Основниот суд Битола со решение на осомничениот му определи притвор во траење од 8 дена.

Прикажи повеќе...

Топ

Тешка сообраќајна несреќа синоќа во Скопје, неколку лица завршија во болница

Објавено пред

5 часа

- 18 мај, 2021

Од

Макфакс

Синоќа во 23:50 часот, десетина минути пред почетокот на полицискиот час, во Скопје се случила тешка сообраќајна несреќа на крстосницата кај улиците Св.Кирил и Методиј и Народен фронт.

Во несреќата учествувале патничко возило „ауди“, управувано од Б.Ф.(42) од Скопје и патничко возило „фолксваген голф“, управувано Л.Љ.(31) од селото Радуша, Скопско, и двете со скопски регистарски ознаки.

„Во незгодата со тешки телесни повреди се здобила М.Љ.(29) од с.Радуша, констатирани во Комплексот клиники ‘Мајка Тереза’. Со телесни повреди се здобиле двајцата возачи и сопатниците во возилото ‘ауди’, В.С.(44) и М.Л.(41), и двајцата од Скопје, констатирани во Комплексот клиники ‘Мајка Тереза’ и Градската општа болница ‘Св.Наум Охридски’“, соопшти МВР.

Увид на местото извршила екипа од СВР Скопје.

Прикажи повеќе...