Полицијата пронајде големо количество на оружје и дрога при претрес на домот на познат криминалец од скопското село Рашче.

Пронајдени биле една автоматска пушка, три празни рамки за автоматска пушка, кундак, два автоматски пиштола марка „Шкорпион“, две мали празни рамки за „Шкорпион“, голема рамка со 14 куршуми за пиштол „Шкорпион“, голема рамка за пиштол „Шкорпион“ со 11 куршуми калибар 7,65 мм.,пиштол марка “Том Фолион“ калибар 9 мм. и 11 куршуми со рамка за истиот, револвер марка „Амадео Росиса“, 32 куршуми калибар 9х99 мм., 19 куршуми калибар 38 Специјал, два сигнални пиштола, една воздушна пушка како и 17 полиетиленски пакувања со прашкаста материја ,најверојатно кокаин. Исто така најдени се две полиетиленски пакувања со непозната прашкаста материја, дигитална вага, три скутери и еден мотоцикл.Четириесет и шестгодишниот криминалец е сторител на повеќе кривични дела, „грабнување“, „фалсификување на исправа“, „тешка кражба“, “недозволено изработување, држење и тргување со оружје или распрскувачки материи“ за коишто му се изрекувани и затворски казни. По целосно расчистување на случајот против него ќе бидат поднесени соодветни пријави./крај/мф/