Дваесет и двајца илегални мигранти од арапските земји биле откриени во возило на скопјанец кај Катланово во четврток, соопшти Министерството за внатрешни работи. Мигрантите нелегално влегле во земјава од Грција, а намерата била преку Македонија, да стигнат до Србија, па од таму до европските земји

Имигрантите биле откриени во камион ’форд транзит’ со струшки регистарски таблички што го управувал Д.И. (47) од Скопје, на автопатот Велес-Скопје, поточно кај клучката кај Катланово, во четвртокот во раните утрински часови.

Од извршениот службен разговор со возачот, истиот појаснил дека истата вечер по претходно добиени насоки од негов пријател, а за надомест од 500 евра кои требало да ги добие по завршената работа се упатил по автопатот од преминот Богородица за Скопје и во непосредна близина на бензиската пумпа на „Макпетрол“, до казиното „Принцес“ застанал со возилото и во него ги качил 22 илегални мигранти.

Од извршениот разговор, пак, со мигрантите, истите изјавиле дека пеш илегално ја поминале државната граница од Грција во Македонија, со помош на непознато лице, државјанин на Пакистан, за што на истиот му платиле поединечно, различни суми на пари од 200 до 800 евра.  Потоа се упатиле до местото од каде требало да бидат земени со возилото што го управувал Д.И..По ова Д.И. се упатил со возилото кон Скопје, а потоа намерата била мигрантите од Македонија преку Србија да продолжат во европските земји.

Пртив Д.И. е поднесена кривична пријава поради постоење основано сомнение дека сторил кривично дело „криумчарење мигранти“.

Инаку, илегалните мигранти биле од Сирија, Алжир, Коморе, Бангладеш, Авганистан, Сомалија и Египет.крај/мф/сд