Црна хроника
Пијан возач паднал со автомобилот во река, еден повреден
Пијан возач од село Долно Оризари излетал со возилото од патот и паднал во река, при што сопатникот на возилото се здобил со тешки телесни повреди.
Сообраќајката се случила во недела наутро околу 6.35 часот кога дваесет и четиригодишниот возач со автомобилот „фолксваген пасат“ додека се движел на локалниот пат Битола- село Долно Оризари изгубил контрола, излегол надвор од коловозот на десната лента од патот и слетал во коритото на реката Драгор. Во несреќата со тешки телесни повреди се здобил педесет и четиригодишниот сопатник од Битола кој бил пренесен во Клиничката болница во Битола, каде е задржан на лекување. Увид извршила екипа од ПС за БПС и ОКТУПА-Битола. Извршено е алкотестирање кај возачот и било констатирано присуство на алкохол од 1.48 промили. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.