Црна хроника
Почнува судењето за прегазената студентка од Крива Паланка
Во среда на пладне се очекува да започне судскиот процес за сообраќајната несреќа што се случи во април кај Универзалната сала во Скопје, кога беше прегазена дваесетгодишната студентка, Фросина Цековска од Крива Паланка.
Обвинителството во ноември, седум месеци по несреќата, поднесе обвинителен акт против дваесет и шестгодишен скопјанец кој се товари дека сторил две кривични дела, и тоа: кривично дело, тешки дела против безбедноста на луѓето и имотот во сообраќајот и кривично дело, неукажување помош на лице повредено во сообраќајна незгода.Во септември таткото на Фросина беше повикан во Обвинителството и тогаш изјави дека се сомнева дека возачот којшто сам се пријави ја возел „хондата“, и оти семејството е убедено дека некој друг бил зад воланот, лице коешто го штити „некој јак човек во државава“.Според таткото на девојката, Љупчо Цековски, папиларните линии од отпечатоците на воланот не се совпаѓале со папиларните линии на отпечатоците на дваесет ишестгодишниот скопјанец кој сам се пријави дека ја предизвикал несреќата.„Истрагата е насочена против лицето кое се пријавило, но има јаки сомнежи. Недостигот од папиларни линии, бришење на воланот, наоѓање разни отпечатоци на седиштата. Не се совпаѓаат папиларните линии на воланот со папиларните линии на убиецот. Сто отсто друг е“, рече Цековски во изјава за медиумите.Во текот на истрагата врз основа на Вештиот наод и мислење изработено од стручна институција – Биро за судски вештачења се утврдиле пропустите во однесувањето на осомничениот во сообраќајот кои придонеле за случување на сообраќајната несреќа.Утврдено било пречекорување на брзината со кое е управувано возилото, како и непосветување должно внимание од страна на осомничениот при приближување кон крстосница со означен пешачки премин.Од страна на Институтот за судска медицина, криминалистика и медицинска деонтологија биле изработени две вештачења од кои се утврдија причинско – последичната врска помеѓу критичниот настан и смртта на жртвата Фросина Цековска од Крива Паланка, како и присуство на 1,23 промили на алкохол во крвта кај осомничениот во моментот на случување на сообраќајната несреќа.„Исто така, во текот на истрагата беа испитани и сведоци – очевидци на настанот кои се произнесоа по однос на релевантни околности од критичниот ден од местото на настанот, а во својство на сведок – оштетен беше испитан законскиот застапник – таткото на сега починатата Фросина Цековска“, соопштија од Обвинителството.Засега возачот на автомобилот е на слобода. Тој веднаш избега од местото на несреќата, но по дваесетина минути сам се пријави во полициската станица во Ѓорче Петров каде што раскажал што се случило./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава против поранешен заменик градоначалник и вработен во Општина Старо Нагоричане
СВР Куманово поднесе кривична пријава против Б.Ц.(55) од Старо Нагоричане, општина Старо Нагоричане, поранешен заменик градоначалник на Општина Старо Нагоричане, и Д.А.(38) од Старо Нагоричане, вработен како соработник за промена на прописи, постапки и обука за човечки ресурси во општина Старо Нагоричане, поради постоење основи на сомнение за сторени кривични дела „противзаконско располагање со буџетски средства за време на избори“ и „злоупотреба на службена положба и овластување“.
Првопријавениот, извршувајќи работни задачи како заменик градоначалник на Општина Старо Нагоричане, во текот на 2023 година му наредил на второпријавениот да изготви решенија за исплата на јубилејна награда за непрекината работа во општината, по што тој изготвил решенија за десет лица, на кои средствата им биле исплатени во 2024 година и на тој начин го оштетиле буџетот на општината за сума од 204.283 денари.
Црна хроника
Расчистена кражба во Велес, уапсени две лица, дел од украденото е пронајдено и вратено на сопственикот
Синоќа, во периодот од 23:20 до 00:10 часот, полициски службеници од СВР Велес ги лишија од слобода А.Д.(22) и А.С.(48), двајцата од Велес.
А.Д. се сомничи дека со употреба на сила и подесен алат влегол во домот на 54-годишната С.Х. од Велес и одзел пари и златен накит, а потоа златните предмети ги заложил кај А.С.. Дел од предметите се пронајдени и одземени од А.С. и вратени на сопственикот, а тој е задржан во полициска станица.
За настанот е известен јавен обвинител и по негово целосно документирање, против А.Д. и А.С. ќе бидат поднесени соодветни пријави.
Топ
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15 години.
Во првиот случај, осомничени се две полнолетни лица од Неготино, кои најпрво сториле кривично дело – Задоволување полови страсти пред друг од член 190 од Кривичниот законик. Тие имале сексуални односи пред малолетно дете, кое ги снимало со мобилен телефон.
Во јули лани, додека детето имало 14 години, еден од двајцата осомничени повеќе пати го наведувал малолетникот на сексуални односи со него за што му давал одредени парични средства.
Јавниот обвинител предложи мерка притвор за осомничениот за силување на дете, за кое е запретена казна затвор од најмалку 8 години.
Кавадаречкото обвинителство води постапка и предложи мерка притвор и против татко од Кавадарци осомничен за други полови дејствија спрема неговата 13-годишна ќерка.
Тој во алкохолизирана состојба го допирал девојчето во повеќе наврати, со што постои сомнение дека сторил кривично дело од ставот 5 на членот 188 за кое е запретена казна затвор од најмалку три години.

