Црна хроника
Полицајци им помагале на осомничените во „Чекан“ во криминалот

Полицаец и командир на полициската станица во Гостивар се осомничени дека им помагале на уапсените во акцијата „Чекан“ во вршењето на криминалните активности, не преземале службени дејствија кои биле должни да ги преземат.
Против нив е поднесена кривична пријава за помагање и одреден им е притвор во траење од 30 дена.Полицаецот од јуни до декември минатата година ја злоупотребил службената положба и им овозможил на приведените да вршат кривични дела „лихварство“, „изнуда“, не преземал службени дејствија но им и давал и податоци од оштетените за нивната имотна состојба и нивната местоположба.Командирот на полициската станица во Гостивар бил поврзан со групата од 2009 до 2012 година.„Најмалку четири наврати на претходно пријавените им овозможил непречено да вршат кривични дела кои се гонат по службена должност и на тој начин да се стекнат со противправна имотна корист. Истиот кривични дела ги извршил на начин што пријавите (што најчесто биле за физички напад, како дејствија извршувани во рамки на кривичните дела „лихварство“ и „изнуда“) кои униформираните полициски службеници ги изготвувале и му ги доставувале на понатамошно постапување против пријавените, воопшто не ги процесуирал, ниту ја известувал Надворешната канцеларија за Криминалистички работи Гостивар. Командирот Ш.Д. ова го правел согласно договорот и улогата која ја имал во криминалната група, со цел прикривање на докази, како и спречување на откривање и докажување на кривичните дела „злосторничко здружување“, „лихварство“ и „изнуда““, соопштуваат од МВР.Двајцата полицајци за овие услуги земале пари и во моментот на апсење биле вработени во Министерството за внатрешни работи.Пред неколку месеци беше уапсена група осомничена за„злосторничко здружување”, „изнуда”, „лихварство” и „перење пари, која дејствувала на подрачјето на западна Македонија.По два месеца бегство беше уапсен и водачот на групата, гостиварскиот бизнисмен Фадил Арслани кој давал заеми, а потоа изнудувал пари со камата. Во групата беа вмешани нотари, лихвари, извршители./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.