Црна хроника
Полјаци фатени во обид за шверц на 14 кг марихуана на Табановце
Двајца полски државјани се обиделе да прошверцуваат 14 килограми марихуана од Албанија, преку Македонија во Полска.
Двајца полски државјани се обиделе да прошверцуваат 14 килограми марихуана од Албанија, преку Македонија во Полска.
Во понеделник (10.11) околу 10 часот утрото, на граничниот премин Табановце, за излез од Македонија било пријавено возило „рено лагуна“ со полски регистарски таблици, управувано од лицето Д.Л. (48), во кое како сопатник патувала и К.С. (46).
При првично разгледување на надворешноста на возилото, царинските службеници се посомневале дека истото е преправано и го издвоиле за детална контрола во гаражата на преминот. Притоа, со отстранување на задниот браник и сечење на лимот, пронајдени биле три отвори по должината на подвозјето, околу резервната гума во кои биле откриени 45 пакетчиња, наполнети со растителна материја, облепени со кафеава селотејп трака и покриени со свежо мелено кафе. По извршеното вештачење, било утврдено дека се работи за марихуна со вкупна тежина од 13,830 грама.
Од спроведените предистражни мерки, било утврдено дека лицата биле ангажирани од друго лице од Полска, за парична награда од 2.500 евра да ја пренесат дрогата од Албанија во Полска. Возилото претходно било специјално преправено во Полска од страна на организаторот на транспортот, на тој начин што е направено двојно дно по целата должина од багажниот простор на возилото. Осомничените, со така преправеното возило, отпатувале во Албанија за да ја преземат дрогата. Откако дрогата била сместена во специјално припремениот бункер во градот Поградец во Албанија, осомничените се упатиле од Албанија назад кон Полска преку Република Македонија.
Вредноста на запленетата дрога на западно-европскиот нарко пазар се проценува на околу 40.000 евра.
Осомничените Д.Л. и К.С. се уапсени и истите во текот на денешниот ден ќе бидат предадени во Основниот суд Куманово, а Царинската управа до надлежното Основно јавно обвинителство против нив ќе поднесе кривична пријава за „неовластено производство и пуштање во промет на наркотични дроги, психотропни супстанции и прекурсори“.
Ова е 24-ти случај откриен годинава за шверц на дрога. Од почетокот на годината, запленети се 116 кг марихуана, 19,5 кг. Хероин, 1 кг. амфетамин, 96 таблети метамфетамин, 20 грама хашиш, 4,4 грама кокаин и 2,7 грама псилоцин магични печурки.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во водите на Вардар кај Зелениково пронајдено тело на женско лице заглавено во гранки
Вчера во 11.15 часот во СВР Скопје било пријавено дека во водите на реката Вардар во с.Таор, општина Зелениково, покрај стариот пат кон с.Пакошево, општина Зелениково, било пронајдено тело на починато женско лице, кое било заглавено во гранки.
Од екипа на Одделот за специјални полициски операции при МВР, телото било извадено, а по наредба на јавен обвинител било дадено на обдукција.
Црна хроника
Инспектор нападнал началник во ОВР Радовиш, доби кривична пријава и суспензија
Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Б.И. поради постоење основи на сомнение за сторено кривично дело „напад на службено лице при вршење на работи на безбедноста“ по член 383 став 2 од Кривичниот законик.
Пријавениот Б.И. – самостоен инспектор за недозволена трговија со дрога и оружје во Надворешната канцеларија за криминалистички работи Радовиш во ОВР Радовиш, на 20.12.2024 во службени простории на Надворешната канцеларија за криминалистички работи Радовиш физички го нападнал началникот на ОВР Радовиш О.Г..
Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против полицискиот службеник и ќе изрече задолжителна мерка за отстранување од работно место – суспензија до завршување на дисциплинската постапка.
Црна хроника
Уапсен тетовец, баран по потерница за издржување казна затвор
Вчера во 11.00 часот во Тетово, полициски службеници од СВР Тетово го привеле 30-годишниот К.В. од Тетово, кој бил баран по потерница врз основа на наредба од Основен суд Тетово за издржување казна затвор.
Лицето било спроведено во Казнено – поправната установа Затвор Тетово за издржување на казната.
Изгласана интерпелацијата за Илире Даути
На првата собраниска седница од годината, владејачкото мнозинство ја поддржа интерпелацијата на Левица за Илире Даути. Интерпелацијата ја образложи Сашко...
Судот смета дека Трамп е виновен за плаќањата кон порно актерката Даниелс, но нема да биде казнет
Судот во Њујорк пресуди во случајот на премолчена исплата на поранешниот и идниот претседател Трамп на порно актерката Сторми Даниелс....
Тошковски: Граѓаните ќе се опоменуваат, нема да се казнуваат за возачките дозволи и за личните карти со старото уставно име
Министерот за внатрешни работи Панче Тошковски рече дека полицијата ќе се фокусира на опоменување, а не казнување на граѓаните што...
Нови сателитски снимки на Пацифик Палисадес: „Изгледа како да паднала атомска бомба, се плашиме од бројот на загинати“
Бројот на загинати во разорните пожари што беснеат во Лос Анџелес денеска се искачи на десет, а пожарот уништи речиси...
ДУИ реагира: Во очаен обид за политички опстанок СДСМ одлучи да јава на бранот на албанофобијата следејќи го патот на ВМРО-ДПМНЕ
„Во очаен обид за политички опстанок, СДСМ одлучи да јава на бранот на албанофобијата, следејќи го патот на ВМРО –...
Утрово најстудено во Берово, најмногу снег на Попова Шапка
Утрово најстудено било во Берово каде што се измерени -2 степени, 0 било на Попова Шапка и во Крива Паланка,...
Сателитските снимки го покажуваат обемот на ужасот во Лос Анџелес, изгоре сè до океанот
Пожарот речиси целосно уништи голем дел од Пацифик Палисадес во Лос Анџелес, покажуваат новите сателитски снимки од Maxar Technologies. Сликите...
Трамп: Путин сака да се сретнеме, се договара состанок
Новоизбраниот американски претседател Доналд Трамп изјави дека се договара средба меѓу него и рускиот претседател Владимир Путин. „Тој сака да...
Истрага против две лица за изнуда и палење автомобил во Штип
Основното јавно обвинителство Штип донесе Наредба за спроведување истражна постапка против двајца соизвршители на кривични дела – Изнуда од член...
(Видео) „Една од најразорните катастрофи во историјата на Лос Анџелес“, сцените се ужасни
Потврдениот број на пет загинати веројатно ќе се зголеми, изјавија официјални лица, бидејќи снимките од беспилотни летала ги доловуваат размерите...
(Видео) Бајден, Трамп, Обама, Буш и Клинтон присуствуваа на државниот погреб на Џими Картер
Поранешниот американски претседател Џими Картер, кој мораше да се справи со лошата економија и заложничката криза и беше почитуван за...
Најотворана веб страница во Мала Речица е таа на Стејт департментот, секое утро проверуваат да не имаат некој член на црна листа, велат од ВЛЕН
„ДУИ е прва партија на Албанците која ги оддалечува Албанците од нивните западни стратешки партнери, заради својот криминал и корупција....
Министерството за надворешни работи со осуда: Злонамерните изјави на официјални личности од бугарската политичка сцена се директен напад на суверенитетот, интегритетот и независноста на нашата држава
Министерството за надворешни работи и надворешна трговија на Република Северна Македонија силно ја осудува објавата на лидерот на бугарска политичка...
Таравари нема информација оти некој рендген не работи, а матичните од Скопје два дена немаат каде да ги испратат на снимање пациентите
Министерот за здравство Арбен Таравари не знае за проблемите со кои се соочија матичните лекари оваа недела кога ординациите им...
Докторите немаат никаква грешка за смртта на седуммесечното бебе на Детската клиника, Таравари го доби извештајот од стручната комисија
Лекарите на Детската клиника не направиле грешка при лекувањето на седуммесечното бебе, кое почина на клиниката на почетокот на минатиот...
Измамници се претставуваат како банки и институции, МВР апелира граѓаните да не споделуваат лични податоци
Секторот за компјутерски криминал при Министерството за внатрешни работи активно презема мерки за истрага и справување со телефонските измами кои...
Бугарската агенција за патишта има делумна вина за несреќата на автобусот на „Беса транс“
Агенцијата за патна инфраструктура на Бугарија (АПИ) има делумна вина за трагичната несреќа на автобусот на „Беса транс“ во 2021...
Лидерот на Преродба побара присоединување на Македонија кон Бугарија
Лидерот на крајнодесничарската бугарска партија Преродба, Костадин Костадинов, ја повика владата во Софија официјално да излезе со претензии за присоединување...
Сателитски снимки го покажуваат обемoт на катастрофата во Лос Анџелес
Петте активни пожари во Лос Анџелес, двата најголеми – Итон и Палисадес – сè уште се целосно надвор од контрола....
(Видео) Знакот „Холивуд“ во опасност, пожарот им се заканува на повеќе знаменитости
Последниот пожар што го зафати врвот на познатиот Холивуд Хилс ги принудува жителите да се евакуираат, а луѓето во близина...
