Црна хроника
Повредени четири лица во сообраќајка на патот Охрид – Кичево
Четири лица се здобија со тешки телесни повреди во сообраќајната незгода што, во четврток вечер, во 22 часот се случи на магистралниот пат Охрид-Кичево кај место викано „Карпа“ во близина на Охрид.
Во незгодата, со тешки телесни повреди се здобиле С.А. (18) од Струга како и С.Т.(39), Р.Т.(35) и уште едно малолетно лице, сите од охридското село Велгошти. Со возило на Брза помош, повредените, од местото на сообраќајната незгода итно се пренесени во болницата „Св.Еразмо“ во Охрид, каде се задржани на понатамошно лекување.
Сообраќајната незгода се случила помеѓу две патнички моторни возила марка „Голф“, првото со струшки регистарски ознаки управувано од сега тешко повредениот С.А. кое по магистралниот пат се движело во правец од Охрид кон Струга, и второто возило „Голф“ со охридски регистарски ознаки управувано од С.Т. кој заедно со сопатниците Р.Т. и малолетното лице се тешко повредени. Движејќи се од Охрид кон Струга, патничкиот автомобил „Голф“ со струшки регистарски ознаки удрил во карпа од десната страна по што возилото се извртело кон спротивната коловозна лента, каде во правец кон Охрид се движел „Голфот“ со охридски регистарски ознаки. Ова возило, со предниот дел се судрило во бочната десна страна од голфот со струшки таблици.
На местото на сообраќајната незгода, по овластување на Јавен обвинител, увид извршија полициски екипи од полициската станица за безбедност во патниот сообраќај Охрид, поради што сообраќајот беше пренасочен по регионалниот пат Охрид-Струга.
По наредба на јавен обвинител, од двајцата возачи земена е крв за анализа а врз взилата ќе биде извршено дополнително техничко вештачење./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица искасани од кучиња скитници во Скопје
Три лица пријавиле во полициските станици во Скопје дека биле каснати од куче скитник во текот на вчерашниот ден, извести МВР.
На 28.03.2024 во 18.45 часот во Полициската станица Аеродром, Л.Ј.(64) од Скопје пријавила дека на пешачка патека во населбата Ново Лисиче во Скопје била касната од куче скитник.
На 28.03.2024 во 12.40 часот во Полициската станица Карпош, М.Ч.(34) од с.Катланово, скопско, пријавила дека на бул.„Митрополит Теодосиј Гологанов“ во Скопје била касната од куче скитник.
На 28.03.2024 во 17.00 часот во Полициската станица Гази Баба, А.Д.(21) од Скопје пријавил дека на ул.„Финска“ во Скопје бил каснат од куче скитник.
Црна хроника
Во судир помеѓу „бмв“ и мотоцикл тешко повреден 23-годишник од Скопје
Вчера во 13.30 часот во СВР Скопје било пријавено дека на крстосницата од регионалниот пат Скопје–Тетово и локалниот пат село Сарај–село Глумово се случила сообраќајна несреќа помеѓу патничко возило „бмв“ со скопски регистарски ознаки, управувано од 21-годишниот С.О. од Република Турција, со престој во Скопје и мотоцикл со скопски регистарски ознаки, управуван од 23-годишниот Ф.Ќ. од Скопје, извести МВР.
Во несреќата со тешки телесни повреди се здобил мотоциклистот констатирани во Комплексот клиники „Мајка Тереза“, велат од МВР.
Извршен бил увид од увидна екипа од СВР Скопје.
Црна хроника
Тешко повредена скопјанка, во неа удрил „опел“
Вчера во 12.00 часот во СВР Скопје било пријавено дека на улицата „Јордан Мијалков“ во Скопје, патничко моторно возило „опел“ со скопски регистарски ознаки, управувано 38-годишниот Ј.К. од село Марино, општина Илинден, удрило во пешакот, 64-годишната М.Г. од Скопје, извести МВР.
– Во несреќата со тешки телесни повреди се здобила М.Г. констатирани во Градската општа болница „Св.Наум Охридски“, соопшти МВР.
Извршен бил увид од увидна екипа од СВР Скопје.