Црна хроника
Познат скопски измамник фатен во улога на лажен инспектор на УЈП
Познат скопкси измамник заедно со уште едно лице се претпставувале како инспектор на УЈП и барале поткуп од угостители за да нема инспекции во нивните локали.
СВР скопје ги откри измамници по пријава на брачен пар кои се сопсвеници на еден кафе-бар во Скопје.
Оштетените пријавиле дека пред околу еден месец во нивниот кафе бар “ГЕТ КАФЕ“ лоц. на ул. “Сава Ковачевиќ“ дошле две машки лица кои порачале пијалок и го повикале оштетениот Д.Ј. – управител на правното лице “ГЕТ КАФЕ“, а потоа и оштетената Б.Т.
Претставувајќи се како инспектори од УЈП, едниот како И.Н. кој не се легитимирал со службена легитимација, од Б.Т. побарал лист за наводно да направи записник дека нема неправилности во работењето на кафе барот, по што Б.Т. го потпишала записникот, но не добила примерок од истиот. Воедно другото НН лице од неа побарал 3.000 денари кои им биле дадени од страна на нејзиниот сопруг Д.Ј., по што двете НН лица им кажале дека се е во ред и дека во иднина нема да имаат никакви проблеми со било која инспекција. Пред да заминат, И.Н. на оштетената и го дал неговиот телефонски број потенцирајки дека може да го бара доколку има било каков проблем со инспекции и оттогаш па се до 09 овој месец во неколку наврати и се јавувал велејќи и дека нема да има никакви проблеми.
Но завчера откако повторно ја побарал и и кажал дека во вечерните часови ќе има контрола од инспектори од УЈП побарал од неа 6.000 денарии за истите да не ги донесе кај неа во локалот, со образложение дека ќе ги почасти инспекторите за да не вршат контрола во нивниот кафе бар. Оштетените по ова го пријавиле случајот.
По пријавата, од страна на СВР Скопје превземени се сеопфатни мерки и дејствија, при што истиот ден, на барање од И.Н. да се сретнат со оштетената пред кафе барот и да му ги исплати паричните средства, во непосредна близина на кафе барот „ГЕТ КАФЕ“, извршено е лишување од слобода на лицето И.С. При извршениот личен претрес кај него се пронајдени шесте претходно обработени банкноти во апоени од 1.000 денари и истите со Потврда за привремено одземени предмети се одземени.
Инаку во изминатиот период против И.С. се поднесени кривични пријави во врска сторени неколку кривични дела “измама“: во 2006 година во фирмата “Просветно дело“ се претставувал како член на синдикатот на тогашно Електро Скопје; потоа во 2011 година измамил две физички лица – едното дека негов роднина наводно ќе му извади патна исправа, за што му земал 5.000 денари, а птоа и позајмица од 30.000 денари, а другото физичко лице го измамил ветувајќи му дека ќе купи ПМВ за фирмата на оштетениот земајќи му 147.600 денари, како и 10.000 денари за регистрација, а сепак возилото што го купил го пишал на името на својот татко; и минатата година на физичко лице му ветил дека ќе му купи мотор од Грција мотор во замена за неговото ПМВ и притоа му земал 300 евра а потоа уште 100 евра. Исто така И.С. во крим евиденцијата евидира и како сторител на кривично дело “затајување“ сторено во 2011 година./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен прилепчанец: ограбил манастир во Неготино
Вчера во 12:30 часот во Неготино, од страна на полициски службеници од ОВР Неготино од слобода е лишен 44-годишниот М.А. од Прилеп, по добиена пријава дека истиот ден околу 09 часот, со употреба на сила, одзел пари од манастирот „Св. Ѓорѓи“ во Неготино.
Веднаш по добиената пријава, преземени се соодветни мерки и активности и М.А. е лишен од слобода, а по документирање на случајот, ќе биде поднесена соодветна пријава.
Црна хроника
Уапсен скопјанец, запленети 300 теписони и стази без документација
Вчера полициски службеници од Мобилната единица за компезаторни мерки при Одделот за гранични работи и миграции на подрачје на СВР Охрид, поточно на место викано Подмоље го лишија од слобода А.Ј (52) од Скопје.
Имено, откако било сопрено товарно возило „форд транзит” со скопски регистарски ознаки, управувано од А.Ј., при преглед на возилото во товарниот дел пронајдени се 300 теписони и стази, без соодветна документација.
Лицето е лишено од слобода, а возилото и стоката се одземени.
По целосно документирање на случајот ќе биде поднесен соодветен поднесок.
фото: МВР
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.

