Црна хроника
Притвор за скопјанец што изнудувал пари од поранешен колега
Триесет и тригодишен скопјанец изнудувал пари од поранешен колега од работа, заканувајќи му се дека доколку не му даде пари, ќе му наштети нему и на неговото семејство.
Единицата за насилен криминал при СВР Скопје до Основно Јавно Обвинителство – Скопје поднесе кривична пријава против Н.Б.(33) од Скопје, поради основано сомнение дека извршил кривично дело „изнуда“. За стореното кривично дело од страна на Судија на претходна постапка одредена му е мерка притвор во траење од 30 дена.Имено, пријавениот во периодот од 23.08.2015 година до 14.10.2016 година, употребувајки сериозни закани, телефонски и лично му се заканувал на оштетениот, триесетиедногодишен скопјанец, дека ќе му наштети на него и неговото семејството доколку не му давал секој месец парични средства во висина од 1.000 до 10.000 денари Пријавениот и оштетениот од август минатата година работеле заедно во супермаркет во Тафталиџе, по што почнале и да се дружат. Откако пријавениот во ноември 2015 година го прекинал работниот однос во супермаркетот, му се јавил на оштетениот и му побарал пари, како позајмица со изговор дека му требаат за лекување на неговиот татко, а оштетениот му дал 1500 денари. Оттогаш пријавениот почнал секој месец, па се до денот на пријавување на настанот, да му бара парични средства на оштетениот со закана дека доколку не му даде пари ќе му наштети на него и на неговата фамилија, така што оштетениот од страв за себе и својата фамилија бил принуден постојано да му дава парични средства, но за тоа не кажувал на никого. Во јули годинава пријавениот отишол на работното место на оштетениот со намера да му земе пари, но откако оштетениот му кажал дека нема, Н.Б. го фатил за раце и од џебот му го извадил и го одземал мобилниот телефон, по што ја извадил сим картичка и му ја вратил. Исто така минатиот месец пријавениот телефонски му се јавил на оштетениот и му побарал пари или од мобилара лоцирана во Градски трговски центар Скопје да набави два мобилни апарати заедно со сим картички, а доколку не го стори истото му се заканил дека ќе го повреди. Подоцна оштетениот ги набавил мобилните апарати и му ги дал на пријавениот.Повторно, на 13 овој месец пријавениот телефонски му се јавил на оштетениот и му кажал да дојде кај трговскиот центар лоциран во Општина Карпош и да му даде 1.000 денари, за што оштетениот дошол на договореното место, но му кажал на Н.Б. дека нема пари. По ова пријавениот почнал да го удира со клоци и тупаници во пределот на главата и телото, нанесувајки му видливи повреди. По нанесенате повреди оштетениот побарал помош во медицинска установа.Следниот ден (14.10.) пријавениот телефонски го побарал оштетениот и повторно му побарал 1.000 денари а доколку не му ги даде му се заканил дека ќе биде полошо од претходниот ден, за што оштетениот исплашен за неговиот живот како и неможејќи повеќе да ги поднесе физичкото и психичкото малтретирање и заканите од страна на пријавениот, настанот го пријавил во полиција. Од страна на Одделението за насилен криминал при СВР Скопје земен е записник за примање на кривична пријава и превземени се оперативно-тактички и технички мерки за фаќање на сторителот и документирање на случајот. Притоа, од страна на полициски службеници од Единицата за наслилен криминал и ЕПОИ-Алфа, пријавениот е лишен од слобода, при што пронајдени се и со потврда за привремено одземени предмети одземени му се две банкноти од 500 денари, а од страна на ЕУМНА при СВР Скопје истите се фотографирани. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен жител на Таринци, кој искршил инвентар во болницата во Штип по смртта на татко му
Вчера, по полноќ, полициски службеници од Штип го приведоа 29-годишниот Ј.А. од селото Таринци, општина Карбинци, во Клиничката болница во Штип.
Претходно, во болницата бил донесен неговиот татко В.А. (54), кој, и покрај укажаната лекарска помош, починал. Кога Ј.А. пристигнал во установата и бил информиран од медицинскиот персонал дека татко му починал, тој се однесувал агресивно кон персоналот и искршил стакла и делови од болничкиот инвентар, соопшти МВР.
За настанот бил известен јавен обвинител, по чии насоки телото на починатиот е предадено на обдукција.
По целосно документирање на случајот, против Ј.А. ќе биде поднесен соодветен поднесок.
Црна хроника
Насилство во две основни училишта во Скопје – полицијата работи на расчистување на случаите
Полицијата евидентираше два одделни инцидента со малолетници во основни училишта на подрачјето на градот.
На 26 ноември 2025 година, во 11:15 часот, во хол на основно училиште во општина Ѓорче Петров бил нарушен јавниот ред и мир при физичка пресметка меѓу двајца малолетници од Скопје. Полицијата презема мерки за расчистување на случајот.
Следниот ден, на 27 ноември 2025 година, во 15:00 часот, во СВР Скопје пријавил О.М. (44) од Скопје дека на 24 ноември, околу 09:00 часот, во училница на основно училиште во Драчево, неговиот малолетен син бил физички нападнат од двајца малолетници. И за овој настан се преземаат мерки за понатамошно расчистување.
Топ
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К. (66), кој претходно бил пријавен дека не се вратил во својот дом.
Лекар од Итната медицинска помош констатирал смрт без видливи траги на насилство.
На местото бил извршен увид, а по наредба на јавен обвинител телото е предадено на обдукција.

