Опрема за пресување и пакување на дрога, марихуана и кокаин пронајде полицијата при претрес во викендица во село Леуново, Маврово, сопственост на четириесет и осумгодишен гостиварец.

Освен опремата за дрога во викендицата и домот на гостиварецот во Гостивар најден е и пиштол но, и муниција за пиштол и автоматска пушка.При претресите запленети се калапи и друга погодна опрема  за пресување на наркотична дрога, 434 куршуми со калибар 7,62  за автоматска пушка како и 227 куршуми калибар 9 мм за пиштолска муниција и еден пиштол  марка „Берета“.Осомничениот го поседувал пиштолот „берета“ со дозвола, но поради сторените кривични дела ќе биде спроведена Управна постапка за одземање на горенаведениот пиштол.При претресите не е пронајдена дрога, но пронајдените предмети во викенд куќата во село Леуново укажуваат на тоа дека  во претходниот период се пресувала и пакувала наркотична дрога. Одземените предмети се предадени до Одделот за криминалистичко – технички испитувања и вештачења при МВР и по извршено вештачење на пронајдените траги од растителна и прашкаста материја утврдено е дека се работи за траги од наркотични дроги марихуана и кокаин.Против осомничениот поднесена е кривична пријава за недозволено изработување, држење и тргување со оружје или распрскувачки материи и неовластено производство и пуштање во промет наркотични дроги, психотропни супстанции и прекурсори и одреден е притвор во траење од 48 часа со можност за продолжување./крај/мвр