Црна хроника
Разбојник кој бил фатен се спогодил да биде осуден на 15 години затвор
Разбојник кој во септември се обиде да ограби менувачница со автоматска пушка се спогодил со Основното јавно обвинителство – Велес да биде осуден на 15 години затвор без судски процес.
„Надлежниот јавен обвинител од Основното јавно обвинителство Велес постигна спогодба со обвинетиот Е.И. за кривичното дело – Разбојништво од член 237 ст.4 во врска ст.1 вв член 19 ст.1 од Кривичниот законик да му се изрече казна затвор во траење од 10 години и шест месеци, за кривичното дело – Предизвикување на општа опасност од член 288 ст.3 вв ст.1 од Кривичниот законик да му се изрече казна затвор во траење од 3 години и за кривичното дело – Недозволено изработување, држење и тргување со оружје и распрскувачки материи од член 396 ст.2 вв ст.1 од Кривичниот законик да му се изрече казна затвор во траење од 9 години и шест месеци, односно како единствена казна да му се изрече казна затвор во траење од 15 години“, соопштуваат од Обвинителството.Обидот за кражба се случи на 7-ми септември оваа година во Трговскиот центар во Велес, кога крадецот со закана со автоматска пушка се обидел да ограби менувачница.Обвинетиот маскиран со капа „фантомка“ влегол во менувачницата и пушката ја вперил кон оштетениот, заканувајќи му се по живот доколку не му ги даде сите пари. Вработениот при меѓусебна турканица во која биле испукани два куршума, успеал да го истурка обвинетиот надвор од менувачницата и започнал да бара помош, по што обвинетиот испукал уште два куршума.Обвинетиот успеал да се истргне од оштетениот, но набргу бил совладан од случајни минувачи и предаден на полицијата.На денешното рочиште во Основниот суд во Велес е донесена пресуда со која се прифати Предлог-спогодбата и притворот на обвинетиот ќе продолжи до започнување со издржување на казната затвор./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претепал сограѓанин и му се заканувал со пиштол пред кафеана, приведен жител на Грчец
Триесет и деветгодишниот З.Ф. од селото Грчец, скопско, бил приведен во текот на денешниот ден поради напад пред угостителски објект на подрачјето на општина Сарај.
Претходно, на 7 февруари, тој со тврд предмет физички го нападнал 47-годишниот Р.З., исто така од Грчец, а потоа му се заканувал и со пиштол, јави МВР.
По целосно документирање на случајот, против З.Ф. ќе биде поднесена пријава.
Црна хроника
Запалени „порше“ и „форд ренџер“ во Батинци, известен е обвинител
Во раните утрински часови во селото Батинци, општина Студеничани, избувнал пожар во кој биле опожарени две возила – патничко возило „порше“ со скопски регистарски ознаки, сопственост на 47-годишниот Џ.И. од Батинци, и товарно возило „форд ренџер“, сопственост на правен субјект.
Случајот бил пријавен во 02:15 часот во СВР Скопје. Пожарот го изгаснала екипа од Бригадата за противпожарна заштита на Скопје. Во инцидентот нема повредени лица.
Известен е јавен обвинител и се преземаат мерки за целосно расчистување на случајот.
Фото: илустрација (depositphotos)
Црна хроника
Автомобил излета од патот кај Маврово: скопјанка тешко повредена, сопатникот се здобил со полесни повреди
Седумдесет и тригодишна скопјанка е тешко повредена, а возачот со кој патувала се здобил со телесни повреди, откако нивното возило излетало од коловозот на патот Маврови Анови – Дебар, кај гостиварското село Скудриње.
Несреќата се случила на 7 февруари 2026 година, околу 9 часот наутро, кога патничко возило „опел зафира“ со скопски регистарски таблички, управувано од Ј.М. од Скопје, излетало од патот. Повредените се префрлени во Ургентниот центар во Охрид, каде кај сопатничката биле констатирани тешки телесни повреди.
Извршен бил увид.

