Црна хроника
Се обидел да убие сосетка со секира оти поставиле водоводни црева во неговата нива

Жител на кривопаланечкото село Луке се обидел да ја убие сосетката оти нејзиното семејство земало вода од извор, преку црево коешто било закопано во неговата нива.
Инцидентот се случил во петокот во 8 часот кај местото Тодорин камен. Седумдесет и двегодишниот жител на селото заедно со уште еден соселанец, кога дознале дека водоводните црева минувале низ нивните имоти отишле со секира да ги исечат цревата. Соседите поставиле водоводни црева кои минувале низ нивните ниви и преку нив носеле вода од извор до куќата. Кога дошле да ги сечат цревата жената им рекла да почекаат, да не ги сечат цревата бидејќи и била вклучена машината за перење. Но старецот и рекол дека и нејзе ќе ја исече како цревото и ги исекле цревата. По кратка расправија со жената, замавнал со секирата кон жената и и нанел телесна повреда од која паднала на земја во безсознание. Против стрецот е поднессена кривична пријава за обид за убиство и одреден му притвор во траење од 30 дена. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.