Црна хроника
Се симнал од автобус, па го изгазило комбе
Маж на возраст од 40 години загина кај село Колари, кога се симнал од автобус, па преминувбајчи го коловозот на необележано место бил прегазен од комбе, по што починал.
Имено, во понеделник вечерта, на магистралниот пат Гостивар – Кичево, кај село Колари се случи сообраќајна несреќа во која на лице место животот го загуби лицето С.А од Скопје, роден 1976 година, соопшти обвинителството.
Во него удрило моторно возило – комбе со скопски регистарски таблички управувано од педесет и две годишен скопјанец.
Според првичните сознанија, до несреќата дошло кога сега починатото лице излегло од автобус со кој патувал од Скопје за Охрид и ја преминал коловозната лента на необележано место при што бил удрен од комбето.
Надлежен обвинител од Основното јавно обвинителство – Кичево изврши увид на лице место заедно со увидна екипа од МВР. Дадени се Наредби за вршење на обдукција на починатиот и за сообраќајно техничко вештачење на возилото. Од првичните проверки утврдено е дека возачот на комбето не бил под дејство на алкохол.
Истрагата продолжува со преземање на потребните дејствија во насока на расветлување на настанот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Го тепал и бркал од дома: скопјанец осомничен за насилство врз сопственото дете

Јавен обвинител од Основното јавно обвинителство Скопје поведе постапка против 37-годишник за кого постои основано сомнение дека сторил кривично дело – Насилство врз дете од член 201-а од Кривичниот законик.
На 5 април осомничениот извршил физичко и психичко насилство спрема неговиот син, роден 2010 година.
Кон детето се однесувал агресивно и се обидел да го избрка од домот, по што во еден момент го фатил за дуксерот во делот на вратот, го повлекол и почнал да го исфрла кон ходникот. Потоа со рака го удрил во задниот дел од главата, со што му нанел повреда од која оштетеното дете почувствувало затемнување пред очите, вртоглавица и болка, а осомничениот продолжил насилно да го турка синот кон излезната врата од домот.
Со оглед на тоа што осомничениот е претходно осудуван, а против него се води уште една постапка за телесна повреда нанесена при семејно насилство, јавниот обвинител оцени дека постои ризик од повторување на делото, како и околности кои укажуваат на опасност од бегство. Од тие причини, до судијата на претходна постапка од Основниот кривичен суд Скопје доставен е предлог за определување мерка притвор, соопшти обвинителството.
Црна хроника
Притвори по убиството во кривопаланечко: За да го ограбат соседот, го намамиле да излезе па го изболе со нож

Полицијата од Куманово поднесе кривична пријава по брза постапка против С.Ф.(19) и З.Ф.(24), двајцата од селото Луке, кривопаланечко, поради убиство.
„На 24 март годинава во селото Луке, кривопаланечко, пријавените се договориле да извршат кражба на нивниот сосед Љ.С. и го намамиле да излезе во дворот, при што првопријавениот го нападнал со остар предмет. Од здобиените повреди, тој починал на местото, по што му одзеле пари и телото го запалиле, додека остатоците ги закопале“, информираа од МВР.
Од судија на претходна постапка на пријавените им е определена мерка притвор.
Црна хроника
Тротинет удри во жена во Скопје, со тешки повреди заврши на комплексот клиники

Тротинет управуван од 33-годишник (Е.Т.) удри во жена со иницијали Р.М.(73) – и двајцата од Скопје, објави МВР.
Несреќата се случила вчера на булеварот Свети Климет Охридски.
Во несреќата со тешки телесни повреди се здобила Р.М., констатирани во Комплексот клиники „Мајка Тереза“.
Извршен бил увид.