Црна хроника
Се запали влез во зграда во Прилеп, испукала инсталацијата

Пожар избувнал ноќта кон четвртокот, кусо по полноќ во зграда во центарот на Прилеп на улица „Браќа Ламески“, откако од непознати причини почнала да пука инсталацијата во влезот.
Станарите, како што јавува прилепскиот портал Шеталиште, веднаш се качиле на горните катови и исплашени чекале помош на терасите и покривот од зградата, при што пожарникарите со скали ги симнуваа од задниот дел.Интервенцијата била отежната бидејќи во влезот се уште имало струја, па пожарникарите не можеле да реагираат. Интервенирале веднаш штом екипи на ЕВН ја исклучиле струјата.Активирани беа речиси сите пожарникари со три возила, како и три возила на Итната медицинска помош, кои им помагаа на луѓето кои беа евакуирани, а на некои им била укажана лекарска помош поради дишењето на чадот.Повредени нема, направена е материјална штета. Полицијата излезе на местото на несреќата и ги утврдува причините за несреќата./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.