Црна хроника
Седум повредени во сообраќајката кај Велес, сите се вон животна опасност

Седум лица се повредени во сообраќајната несреќа што се случи во недела околу пладне на локалниот пат Велес-Езеро Младост.
Седум лица се повредени во сообраќајната несреќа што се случи во недела околу пладне на локалниот пат Велес-Езеро Младост.
Во сообраќајката директно се судриле две возила, едното марка „мерцедес“ со скопски регистерски таблици, а другото марка „БМВ“ со велешки регистерски таблици и по судирот се превртиле во шанец.
Според информациите од Итната медицинска помош Велес, сите седум повредени се надвор од животна опасност и се задржани на Хируршкото одделение при Велешката болница.
Повредените се со скршеници на клучна коска, болки во главата и кичмата, нагмечување на лева потколеница, а некои и со болки во вратот. Во сообраќајката се повредени три девојки и две жени и две помлади момчиња.
Повредените се на возраст од триесетина и дваесетина години, а една жена е на возраст од 40 тина години. Од АМСМ информираат дека од 14:15 часот сообраќајот на локалниот пат Велес – Езеро Младост е нормализиран./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Патници натепале таксист во возило

Вработен во такси компанија синоќа бил физички нападнат од патник во неговото возило и од неговите пријатели, по претходна расправија пред угостителски објект на подрачјето на Ѓорче Петров.
-Во СВР Скопје, вчера 23:15 часот Ѓ.П. (41) од Скопје пријавил дека во 22:40 часот пред угостителски објект на подрачјето на Ѓорче Петров, вработен во такси компанија, по претходна расправија, бил физички нападнат од патник во неговото возило и од неговите пријатели, информираат од МВР.
Од МВР информираат дека се преземаат мерки за расчистување на случајот.
Топ
Во возило откриени 15 мигранти од Египет и Сирија

Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија Пат“, од полициски службеници од Полициската станица за граничен надзор и граничен премин Богородица, информираат од МВР.
Како што информираат од МВР лицата биле предадени во Прифатно-транзитен центар Винојуг, Гевгелија.
-Денеска во 00:30 часот на регионален пат Богданци–Гевгелија, на место викано „Македонија Пат“, полициски службеници од Полициската станица за граничен надзор и граничен премин Богородица забележале патничко возило „мерцедес“ со француски национални ознаки, во кое се превезувало мигранти и кое не застанало на знак за запирање даден од полициските службеници. Набргу, возилото запрело, по што возачот го напуштил местото, а при преглед во возилото биле пронајдени 15 лица-мигранти, од кои 12 од Египет и три од Сирија, се вели во соопштението од МВР.
Од МВР информирата дека се преземаат мерки за расчистување на случајот.
Црна хроника
Дрвокрадци фатени во Старо Нагоричане, се обиделе да избегаат и прегазат полицајци

Полициски службеници од СВР Куманово вчера лишиле од слобода две лица од Куманово, откако претходно не им дозволиле да извршат контрола на камион натоварен со огревни дрва, физички ги нападнале, а потоа се обиделе да ги прегазат со возилото.
Инцидентот, како што информираат од МВР, се случил вчера во 22:30 часот кај село Макреш, Општина Старо Нагоричани.
-На 23.08.2025 во 22:30 часот полициски службеници од СВР Куманово ги лишиле од слобода Т.Ј.(27) и Б.Ј.(46) од Куманово. Имено, во с.Макреш, општина Старо Нагоричане, полициски службеници забележале паркирано товарно возило „мерцедес“ со кумановски регистарски ознаки, натоварено со огревни дрва, до кое биле двете лица. Притоа, Т.Ј. и Б.Ј. не дозволиле на полициските службеници да извршат контрола на возилото, физички ги нападнале кога се обиделе да ги спречат да избегаат од местото, а откако влегле во возилото се обиделе да ги прегазат со возилото поради што полициските службеници испукале неколку предупредувчки куршуми во воздух. По преземени мерки, лицата биле пронајдени, а било пронајдено возилото со дрвата, стои во соопштението од МВР.
По целосно документирање на случајот, против двајцата ќе биде поднесена соодветна пријава.