Црна хроника
Седум ранети во пукање на студентска забава Флорида
Седум лица се ранети, од кои на три состојбата лекарите ја оценуваат како критична по престрелка којашто се случила на пролетна студентска забава во приватна куќа, соопшти полицијата на американската сојузна држава Флорида.
Според податоците на локалната полиција, инцидентот се случил во саботата градот Панама-Сити-Бич, а полицајците добиле неколку повици од очевидци дека се слушаат пукотници од еден приватен дом.
Според Associated Press, засега нема информации за жртви, но болнички извори потврдиле дека состојбата на тројца од ранетите е критична. Еден од нив е погоден во главата, а другите се повеќепати застрелани.
Засега е познато дека е притворен 22-годишен маж, осомничен дека отворил оган, кај кого е пронајден пиштол од кој најверојатно било пукано. Тој потекнувал од универзитетот во сојузната држава Алабама, пренесува телевизиската мрежа NBC News.
Повеќето ранети се студенти од универзитетот Алабама A&М кои престојувале во одморалиштето Панама-Сити-Бич за време на пролетниот распуст, се додава во соопштението на полицијата.
Локалните медиуми, повикувајќи се на очевидци, јавуваат дека инцидентот се случил во текот на студентска забава. Најверојатно причината за пукањето произлегува од семејно насилство, се наведува во медиумските извештаи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.