Црна хроника
СЈО: Претрес може да се врши кај лица каде може да се најдат предмети важни за кривичната постапка
Спeцијалното јавно обвинителство вршело претрес во домот на Коста Крпач, кој беше најден застрелан во својот дом во скопски Капиштец.
Од Обвинителството појаснуваат за Макфакс дека иако Крпач не бил осомничен во ниедна постапка којашто се води во ова Обвинителство, според Законот за кривична постaпка претрес може да се врши кај осомничен, но и кај други лица каде е веројатно дека ќе се најдат предмети важни за кривичната постапка. Новото обвинителство утрово испрати соопштение до јавноста во кое обелодени дека Крпач доброволно се пријавил како сведок во предистражна постапка којашто ја воделе тие и дека за него во Обвинителството не била отворена никаква кривична постапка иако тој се најде на списокот на помилувани лица на Претседателот, Ѓорге Иванов. Оттаму соопштија дека имаат докази дека врз Крпач бил вршен притисок, но други детали не соопштуваат бидејќи предистражните постaпки се тајни и се работи за доверливи информации.Од Институтот за судска медицина за Макфакс потврдија дека обдукцијата на телото на Крпач е завршена и дека се прават дополнителни обработки, но за резултатите од обдукцијата велат дека информации ќе соопшти надлежниот Јавен обвинител.Вештачењата за овој случај се во тек и од скопскотo Јавно обвинителство најавуваат дека ќе излезат со подетални информации кога ќе бидат разгледани сите извештаи и информации. „Надлежен јавен обвинител од Основното јавно обвинителство Скопје, веднаш по случување на настанот раководеше со увидот на лице место. Со цел расветлување на настанот, издаде Наредби за вршење на обдукција на починатото лице, за балистичко вештачење, за прибирање на траги од лице место и други вештачења. Преземањето на дејствија од обвинителството е во тек. Со подетални релевантни информации јавноста ќе биде запознаена откако ќе пристигнат и ќе бидат разгледани сите извештаи и информации. Секоја друга информација во овој момент би била шпекулација“, велат од скопското Јавно обвинителство.Во средата попладне околу 13.20 часот било пријавено дека на улицата „Нроден фронт“ во Скопје биле слушнати неколку истрели од огнено оружје. Првичните информации беа дека Крпач пукал кон комбе „фургон“ сопственост на фирмата „Огнометика“, генерален застапник за „Мирновец пиротехника“. Оваа фирма според описот на дејноста што може да се најде на интернет повеќе од 20 години професионално се занимава со организација и изведба на огномети и други пиротехнички и непиротехнички услуги од доменот на забавната, сценската и филмската пиротехника. Оваа фирма има свои претставништца во сите држави на Балканот, а од пред седум години отвори свое претставништво и во Македонија.На комбето биле најдени три проектила испукани од правец на булеварот „Митрополит Теодосиј Гологанов“. Крпач бил осомничен како можен сторител, но полицијата кога влегла во неговиот стан го нашла починат во спалната соба. Тој имал прострелна рана на градниот кош, а според првичните неофицијални информации тој се самоубил со огнено оружје револвер непозната марка.Крпач бил академски уметник, сопственик на фирмата „Финзи“, а неговото име се споменуваше и во сопствеништвото на интернет порталот Нетпрес.Тој се најде на списокот на помилувани лица на Иванов, иако за него не се водела кривична постапка./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Малолетник тешко повреден во сообраќајка на патот Прилеп–Македонски Брод
Ноќеска во 02:00 часот во ОВР Прилеп било пријавено дека на патот Прилеп–Македонски Брод се случила сообраќајна несреќа помеѓу две патнички возила.
Според информациите, несреќата се случила меѓу „ауди“ со прилепски регистарски ознаки, управувано од Ф.И. од село Дебреште, и „бмв“ со прилепски регистарски ознаки, управувано од Е.Ш. од истото село.
По несреќата, 17-годишен сопатник од возилото „ауди“ бил пренесен во Градска општа болница Прилеп, каде му биле констатирани тешки телесни повреди.
Увид на местото на настанот извршила увидна екипа од ОВР Македонски Брод.
Се работи на целосно расчистување на случајот.
Црна хроника
Пријавени тепачки во Шуто Оризари
Во СВР Скопје било пријавено дека на 24.02.2026 година на подрачјето на Шуто Оризари, по претходна расправија помеѓу двајца малолетници, повеќе лица физички нападнале еден од малолетниците.
Според пријавата, во инцидентот учествувале М.Х. (22), И.Х. (23) и Р.Х. (46).
Подоцна било пријавено и нарушување на јавниот ред и мир со физичка пресметка помеѓу И.З. (54) и Р.З. (36) од една страна, и М.Х. и И.Х. од друга страна, сите од Скопје.
Од полицијата информираат дека се преземаат мерки за целосно расчистување на случајот.
Црна хроника
Жена пријавила физички напад од вонбрачен партнер во Драчево
Дваесет и двегодишна жена пријавила во СВР Скопје дека била физички нападната од нејзиниот вонбрачен партнер.
Според пријавата, на 27.02.2026 година околу 12:00 часот, во дом на подрачјето на Драчево, таа била нападната од С.С. (22) од Скопје. Случајот бил пријавен во полиција во 16:30 часот истиот ден.
Од МВР информираат дека се преземаат мерки за целосно расчистување на случајот.

