Скопјанец ја хакирал интернет страницата www.exploringmacedonia.com и против него е поднесена кривична пријава за „оштетување и неовластено навлегување во компјутерски систем“.

Четириесет и четиригодишниот скопјанец неовластено навлегол со администраторски корисник во компјутерски систем  во сопственост на компанијата „Некстсенс“  на која била хостирана интернет страницата www.exploringmacedonia.com. Откако се здобил со администраторски привилегии извршил промена на официјалната содржина од веб страницата, односно неовластено поставување на нови датотеки со што компјутерскиот податок го направил неупотреблив и некорисен.„Од доставените логови за сите извршени неовластени најавувања до хост – серверот извршена е анализа на истите каде се утврдени ИП адреси од кои што е пристапувано со време и датум, и со понатамошна истрага утврден е корисникот на истите – лицето А.Т., воедно и сторителот за гореспоменатото кривично дело“ соопштуваат од МВР.Извршен е претрес во домот и просториите на пријавениот каде се пронајдени компјутерите преку кои хакерот извршил неовластено пристапување на компјутерскиот сервер во сопственост на  „Некстсенс“. Поради обезбедување на податоци и дигитални докази извршена е анализа и вештачење врз одземената компјутерска опрема пронајдена при претресот./крај/мф