Црна хроника
Скопјанец купувал телефони со картички на Американци

Скопјанец со банкарски податоци од платежни картички во сопственост на американски државјани купувал телефони на македонски интернет продажни места.
Во периодот од мај до јануари годинава ги прибавил податоците од картичките и извршил девет успешни нелегални трансакции со четири фалсификувани платежни картички во вкупен износ од 104.439 денари и 13 неуспешни нелегални трансакции со четири различни фалсификувани платежни картички во вкупен износ од 177.480 денари и 1.940 американски долари.Купил мобилни телефони Samsung SM-G900F Galaxy S5 LTE Black Color, HTC Desire 500 бела боја, LG G3 S D7 црна боја, Samsung Galaxy S4 GT-I9506, Smartphone Samsung S5 Mini SM-G800 black.Скопјанецот исто така на 6 февруари телефонски се јавил на сопственикот на едно од продажните места и се претставил како вработен во МВР , односно како “инспектор Тодоров” кој раководел со акцијата и бил задолжен за испорака на телефонот марка “Samsung S5”, црна боја, и рекол дека потребно е да се врати телефонот на фирмата за брза испорака и да се достави до лицето бидејки работеле на случајот.Секторот за компјутерски криминал и дигитална форензика добил повеќе пријави од Уни банка АД Скопје, НЛБ Тутунска банка, како и пријава од Американска амбасада за злоупотреба на платежни картички на нивни државјани во повеќе македонски интернет продажни места. Скопјанецот при вршење на нелегалните трансакции односно при нарачките на производите на интернет се претставувал во име на две лице, а производите барал да му бидат доставени во една од продавниците на пластичарската улица. Постапувајќи по пријавите преземени се оперативни проверки, а по претходно издадена судска наредба извршен е и претрес во домот на скопјанецот каде се пронајдени и одземени повеќе фактури за нарачувани производи од повеќе продажни места, лап топ компјутер, сим картички, повеќе мобилни телефони и усб стикови.Исто така меѓу пронајдените производи пронајден е телефонски апарат на кој се користени сите три спорни мобилни броеви кои се користени при извршување на нелегалните трансакции како и бројот од кој лажно се претставувал како полициски инспектор.Против него е поднесена кривична пријава за изработка и употреба на лажна платежна картичка и за лажно претставување./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот