Црна хроника
Скопјанец во притвор за џебни кражби, Бугарки протерани од државава

Еден скопјанец доби притвор од осум дена заради џебни кражби, а за истото дело две Бугарки се протерани од земјава на десет години, а добиле една година казна затвор, три години условно.
Имено, СВР-Скопје-Одделение за имотни деликти и малолетничка деликвенција Центар и Бит Пазар до надлежното јавно обвинителство, за два одделни случаи, поднесе кривична пријава против лицето Ѓ.С. (65) од Скопје, како и против лицата И.М.Е. (21) и М.Ј.Г. (57), бугарски државјанки, поради основано сомнение дека извршиле кривично дело -“кражба“.
Во првиот случај на пријавениот Ѓ.С. од страна на судија на претходна постапка одредена му била мерка притвор во траење од осум дена, во вториот случај за двете бугарски државјанки судија на претходна постапка на истите им одреди мерка една година затвор, условно за три години, протерување и забранет влез во РМ во времетраење од 10 години.
Според документираните сознанија во првиот случај Ѓ.С. кривичното дело го извршил околу пладне на подрачје на Центар, на автобуската постојка наспроти хотелот „Холидеј Ин“, на тој начин што искористувајќи ја гужвата при качување во автобус и невниманието на оштетениот, со протнување на рака во џеб од палтото му го одзел мобилниот телефон, со што се стекнал со имотна корист во висина од околу 3.000 денари. Но, пријавениот веднаш по извршувањето на кривичното дело е забележан од страна на инспектори од Одделението за имотни деликти и малолетничка деликвенција Центар и Бит Пазар по бил приведен, каде со потврда украдениот мобилен телефон бил одземен и вратен на оштетениот. Инаку Ѓ.С. е познат сторител на кривични дела од областа на имотните деликти за што од страна на СВР Скопје во период од 2008 до 2014 година поднесени му се осум кривични пријави
Во вториот случај, на 14 јуни околу пладне, во автобус кој се движел на релација од автобуската постојка кај Зелен пазар до автобуската постојка кај „Рекорд“, горепријавените И.М.Е. и М.Ј.Г. го забележале оштетениот и искористувајќи ја гужвата во автобусот и невниманието на оштетениот, се доближиле до него, и додека второпријавената се туркала во оштетениот со цел да му го одвлече вниманието, првопријавената со протнување на рака во левиот џеб од пантолоните му го украла паричникот со пари и лични документи, стекнувајќи се со противправна имотна корист во висина од околу 5.000 денари. При извршување на кривичното дело, пријавените биле забележани од страна на оолициски службеници од Центар и од Бит Пазар и откако на автобуска постојка кај Рекорд, се симнале од автобусот истите се приведени. Со потврда украдениот паричник им бил одземен и истиот бил вратен на оштетениот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец заврши во болница откако бил повреден со виљушкар

Вработен во приватна фирма се здобил со тешки телесни повреди додека извршувал работни задачи со виљушкар на паркинг на подрачјето на скопската општина Центар, информира Министерството за внатрешни работи.
Несреќата се случила во саботата, околу 13:45 часот, кога според пријавата поднесена во СВР Скопје, 48-годишниот Г.В. од Скопје бил повреден за време на неговиот работен ангажман.
МВР информира дека повредениот веднаш бил префрлен во приватна болница во Скопје, каде му биле констатирани тешки телесни повреди.
Од полицијата велат дека се преземаат мерки за целосно расчистување на случајот, а ќе се утврдува и дали биле почитувани прописите за безбедност и заштита при работа.
Топ
Избоден 15-годишник на Бит Пазар, 13-годишниот напаѓач е негов роднина

15-годишно момче било повредено со остар предмет синоќа во регионот на Бит Пазар, а според пријавата, нападот го извршил негов 13-годишен роднина.
Како што соопшти МВР, ноќеска околу 01.00 часот во СВР Скопје, 46-годишниот Ч.Х. од Скопје пријавил дека на 28 јуни, околу 21.00 часот, неговиот син бил повреден на подрачјето на Бит Пазар.
„Се работи на расчистување на случајот, а се преземаат соодветни мерки за утврдување на сите околности“, информираа од Министерството за внатрешни работи.
Според пријавата, сторителот е 13-годишник со кого жртвата е во роднинска врска. Засега не се познати мотивите за нападот, а полицијата води истрага.
Топ
Девојка (27) пронајдена мртва во Дебарско Езеро, Обвинителството истражува

Телото на 27-годишната С.А. од Дебар вчера беше пронајдено во водите на Дебарското Езеро.
Како што информираше ОВР Дебар, околу два метри од брегот на езерото, во близина на пумпната станица било пријавено за пронајдено тело во водите на езерото.
На местото веднаш пристигнале полициски екипи и јавен обвинител, кој наредил да се изврши увид и дополнителна истрага. Присутниот лекар од Општата болница во Дебар ја констатирал смртта, при што не биле пронајдени видливи траги на насилство.
По наредба на јавниот обвинител, телото на починатата е предадено на обдукција за да се утврдат точните причини за смртта.
Од ОВР Дебар велат дека сите околности поврзани со случајот се предмет на натамошна истрага, а јавноста ќе биде информирана по добивањето на резултатите од обдукцијата.