Во текот на новогодишната ноќ во Тетово двајца скопјани физички се пресметале по што едниот завршил со тешки повреди во тамошната Клиничка болница

Околу 01,30 часот ноќта кон четвртокот во Тетово на улицата „Вон Вардарска“ дошло до меѓусебна вербална расправија, а подоцна и физичка пресметка меѓу двајца 25-годишници идентификувани како Г.М. и М.Т., и двајцата од Скопје со престојувалиште во Тетово.

Во текот на инцидентот Г.М. извадил пиштол, кој го репетирал и со рачката од истиот го удрил М.Т. во пределот на левото уво, по што овој паднал на земја, а Г.М. и уште едно непознато лице кое било со него почнале со нозе да го удираат во пределот на лицето и телото.

По нападот М.Т. се упатил во Клиничката болница Тетово, каде му се констатирани тешки телесни повреди, односно фрактура на носна коска и скршени два заба.

Настанот првично е пријавен од вработените во тетовската болница, а Секретаријатот за внатрешни работи Тетово информира дека презема мерки за расчистување на настанот./крај/мф/сн

Извор: Макфакс