Црна хроника
Со огнено оружје пукано врз автомеханичарска работилница во Градец
![](https://makfax.com.mk/wp-content/uploads/2016/10/policija3-1.jpg)
Автомеханичарска работилница која била лоцирана во близина на атарот на село Градец била цел на напад на разбојник кој врз неа пукал од огнострелно оружје и притоа предизвикал незначителна материјална штета, соопштуваат од Министерството за внатрешни работи.
Од таму додаваат дека инцидентот се случил во периодот од 27-ми до 29-ти август на автопатот Гостивар – Тетово, во близина на селото Градец каде била сместена халата за автомеханичарски услуги, а истреланите проектили оштетиле едно прозорско стакло и завршиле во ѕид.
Надлежните органи преземаат мерки за откривање на сторителот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Во Штип приведени две лица за издржување на затворски казни
![](https://makfax.com.mk/wp-content/uploads/2023/02/lisici-apsenje-policija.jpg)
Вчера во 12.15 часот на ул.„Железничка“ во Штип полициски службеници од СВР Штип го привеле М.П.(40) од Штип, а во 13.00 часот на ул.„Ваташка“ во Штип го привеле и Б.Д.(64) од Штип.
М.П. бил баран со писмена наредба од Основен суд Штип за издржување на затворска казна од една година, поради „неовластено производство и пуштање во промет на наркотични дроги, психотропни супстанци и прекурзори“. Б.Д., пак, бил баран со судска наредба за издржување казна затвор по член 235-а за „кражба на електрична енергија, топлинска енергија или природен гас“.
М.П. и Б.Д. биле спроведени во Казнено-поправната установа Затвор Струмица за издржување на казната.
Црна хроника
Му дале овци да ги чува, тој ги продал и заработил милион денари: кривична против овчар од Куманово
![](https://makfax.com.mk/wp-content/uploads/2022/11/ovci.jpg)
СВР Куманово поднесе кривична пријава против 62-годишниот Д.Ј. од Куманово, поради постоење основи на сомнение за сторено кривично дело „затајување“, извести МВР.
„Пријавениот, кој бил ангажиран како овчар од Г.А., во период од 16.06.2024 до 18.06.2024 година со товарно возило во с.Алгуња, натоварил 127 овци, кои ги продавал во Скопје и Тетово, стекнувајќи се со противправна имотна корист од околу 1.000.000 денари“, соопшти МВР.
Црна хроника
Го натерале да се запали, па избегале, 24-годишен скопјанец со повреди пренесен на Клиника
![](https://makfax.com.mk/wp-content/uploads/2020/02/87736028_684024489003385_2347012096106954752_n.jpg)
Денеска во 00.37 часот во СВР Скопје од страна на Бригадата за противпожарна заштита било пријавено дека настанал пожар во индустриска зона Ќојлија, а малку подоцна од страна на полициски службеници од ГП Меѓународен аеродром Скопје било пријавено дека во нивниот објект со повреди од изгореници дошол 24-годишниот Б.А. од Скопје, кој кажал дека од неколку лица бил насилно пренесен со возило од населба Ченто до Ќојлија, извести МВР.
Според пријавеното, лицата со закана го натерале да се запали, по што избегале, а тој успеал да го изгасне огнот, од кој бил зафатен и помошен објект во близина. Повредениот Б.А. бил пренесен во Комплекс клиники „Мајка Тереза“ за укажување на лекарска помош, соопшти МВР.
Извршен бил увид од увидна екипа од СВР Скопје и се преземаат мерки за расчистување на случајот.