Црна хроника
Со службенo возило пренесувале фалсификувани пари

Тројца скопјани се фатени на патот Охрид – Кичево, како во службено возило пренесуваат фалсификувани пари, односно фалсификат банкноти од 500 денари.
Тројца скопјани се фатени на патот Охрид – Кичево, како во службено возило пренесуваат фалсификувани пари, односно фалсификат банкноти од 500 денари.
Во понеделникот, околу 16.15 часот, на магистралниот пат Охрид-Кичево полициски службеници, по писмена наредба од Основен суд Кичево, а поради постоење основи на сомнение дека се превезуваат фалсификувани пари, извршиле претрес во автомобил „Голф“ со скопски регистарски ознаки, сопственост на ДПТ „Адријус“ ДОО-Скопје. Возилото го управувал Т.А. (44) од Скопје, во кое како сопатници биле лицата В.И. (45) од село Сарај, скопско, и И.К. (47) од Скопје. При претресот над лицата и возилото биле пронајдени 51 фалсификувана банкнота од по 500 денари во чанта на И.К., нотес со евиденција каде ги пуштал во оптег, и уште три банкноти од по 500 денари биле пронајдени во возилото. Лицата се приведени за понатамошна постапка./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.