Црна хроника
Старец од Гостивар фатен со кокаин кој сакал да го продаде во Виена

Старец од Гистивар е фатен со 580 грама кокаин којшто го зел од албански државјанин, а требало да го продаде во Виена.
Но, полицијата и цариниците ја фатиле торбата со дрога во автобусот во којшто се превезувал гостиварецот до Виена.
Седумдесет и тригодишниот гостиварец ја зел дрогата од непознат албански државјанин и требало да ја продаде на лице од Австрија и да земе 700 евра.
Дрогата ја зел во периодот од 12-ти до 18-ти месецов во патничка црна торба во којашто имало и 350 евра. Остантите пари требало да ги добие во Виена кога ќе ја транспортира дрогата.
На 20 август на Граничниот премин Табановце на излез од Македонија во автобус со охридски регистарски ознаки кој сообраќал на линија Струга-Виена, била најдена дрогата во патничката торба којашто стоела на седиштето на гостиварецот.
Против него е поднесена кривична пријава неовластено производство и пуштање во промет на наркотични дроги, психотропни супстанци и прекурсори, а судија на претходна постапка му одредил мерка притвор во траење од 30 дена./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.