Возач на автомобил и пешак се тешко повредени во две одделни сообраќајки што се случиле во средата во Битола и Тетово.

Сообраќајката во Битола се случила околу 16.55 часот на крстосницата од улица „Прилепска“ и улица „Гоце Делчев“. Во несреќата се судриле два автомобила, „даеву матиз“ со коешто управувал педесетгодишен маж од село Долно Оризари и автомобил „ауди“ со кое управувал триесет итригодишен битолчанец.Возачот на „матизот“ се здобил со тешки телесни повреди, фрактура на четвртиот вратен пршлен и набиеници на главата и е задржан на лекување во Медицинскиот центар во Битола.Другата сообраќајка се случила околу 19.10 часот на улица „167“ во Тетово. Автомобил „БМВ“ со којшто управувал шеесет и двегодишен жител на тетовското село Голема Речица удрил во седумдесет и осумгодишен пешак, жител на селото Мала Речица. Пешакот со тешки телесни повреди бил однесен во тетовската болница, но поради сериозноста на повредите е пренесен во Ургентниот центар во Скопје. Се преземаат мерки за целосно расчистување на сообраќајките./крај/мф