Три лица загинаа, а две се повредени во тешката сообраќајна незгода што се случила во вторник попладне на автопатот Куманово – Табановце.

Според првичните информации на СВР Куманово, автомобил БМВ, по 17 часот, движејќи се од населбата Бедиње кон Куманово, изгубил контрола, излетал од улицата „11 Ноември“, се превртел и паднал од надвозникот над автопатот по кој се движела цистерна.

Во автомобилот биле четири лица од кои двајцата починале веднаш, а едниот на пат кон кумановската болница, соопштија од Итната помош во Куманово. Четвтото лице е тешко повредено, а како што информираат од одделението на хирургија, повреден е и возачот на цистерната кој во обид да го избегне возилото, преминал во другата коловозна лента.

Тројца од вкупно четворицата патници во автомобилот БМВ се од Куманово, а едниот е од Ваксинце.

По увид на местото на несреќата од екипа на полицијата и јавен обвинител, повторно е нормализиран сообраќајот на автопатот Куманово – граничен премин Табановце./крај/мф/бб