Црна хроника
Триесетдневен притвор за сведокот во случајот Ореше

Мерка притвор во траење од еден месец одредена му е во понеделникот на заштитениот сведок „Бреза“, клучен во случајот „Ореше“. Ваква одлука донесе велешкиот суд по барање на Основното Јавно обвинителство.
На тој начин ќе се обезбеди негово присуство на главниот претрес во кој тој е обвинет за давање на лажен исказ, јави порталот Лисица.
„Денеска беше закажана главната расправа по предметот во кој е обвинет Златко Арсовски. Истиот не се јави на расправата, па од страна на јавниот обвинител беше даде предлог за да биде изречена мерка притор заради судење спрема истиот. Судот го прифати предлогот кој е за 30 дена откако ќе биде лишен од слобода“, рече Габриела Гајдова, портпарол на Основен суд – Велес
Тој денеска се појавил во судот, но два часа пред закажаното рочиште. Откако на тоа му укажал командирот на судската полиција заминал и повеќе не се вратил.
Инаку Златко Арсовски пред судот одговара за давање лажна изјава. Откако тој го промени исказот, случајот Ореше доби пресвртница. На обинителна клупа завршија судијата и обвинителот кој го водеа предметот како и неколкумина адвокати. Сите заработија и затворски казни. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Силувани деца на возраст од 3 и 10 години во Гостивар, мајката ги снимила и видеото го пратила на таткото

Основното јавно обвинителство Гостивар донесе Наредба за спроведување истражна постапка против мајка од гостиварско за која постои основано сомнение дека спрема нејзините две деца – девојче родено 2015 година и момче родено 2022 година, сторила кривично дело – Запуштање и малтретирање дете.
Како што информираат од обвинителството таа исто така се сомничи и за – Производство и дистрибуција на детска порнографија, додека две други жени се осомничени за – Силување на децата кои не наполниле 15 години.
Триесетгодишната мајка грубо ја запоставила својата должност за грижа за децата и дозволила двете 22-годишни жени да извршат полови дејствија со нејзините деца. За тоа време, мајката настанот го снимала со мобилен телефон, а видеото со детска порнографија преку апликација ја испратила на нејзиниот сопруг кој се наоѓал во Италија.
Јавниот обвинител до судијата на претходна постапка од Основниот суд во Гостивар достави предлог за определување мерка притвор за трите осомничени.
Црна хроника
Македонски државјанин кој летувал во Саранда најден починат во стан

Македонски државјанин е пронајден без знаци на живот во стан каде што престојувал на одмор, во крајбрежниот албански град Саранда.
Трагичниот настан, според полицијата, се случил на 26 јули, во населбата број 1 во градот.
-Полицијата во Саранда објави дека жртвата, идентификувана како О. Ј. (20), била пронајдена од членовите на неговото семејство додека бил во станот каде што престојувал за време на престојот во Албанија, објавија медиумите.
Прелиминарниот преглед на телото не открил никакви траги на насилство. Се сомнева дека младиот човек починал од природна смрт, но обдукцијата треба да ја потврди причината.
Властите продолжуваат со истрагата за да ги разјаснат сите околности на овој трагичен настан.
Ова е втор трагичен крај на македонски државјанин, за време на престој во Албанија.
Во средината на овој месец во близина на Драч, на плажата кај Каваја, се удави 66- годишен македонски државјанин.
Црна хроника
Мотоциклист тешко повреден во сообраќајка кај „Борис Трајковски“ во Скопје

Мотоциклист се здобил со тешки телесни повреди, а друг возач е полесно повреден во сообраќајна несреќа што се случила вчера околу 13:05 часот на крстосницата меѓу булеварот „Борис Трајковски“ и улицата „Трајко Иванов Љузе“ во Скопје.
Како што информираат од СВР Скопје, во несреќата учествувале патничко возило шкода, управувано од 61-годишниот П.Б. од Скопје и мотоцикл јамаха, со кој управувал 28-годишниот М.С., исто така од Скопје.
По судирот, мотоциклистот М.С. се здобил со тешки телесни повреди, кои му биле констатирани во Комплексот клиники „Мајка Тереза“. Возачот на автомобилот П.Б. е полесно повреден и бил пренесен во Градската општа болница „Св. Наум Охридски“.
На местото на несреќата излезе јавен обвинител и увидна екипа од СВР Скопје, а истрагата за причините продолжува.