Финансиската полиција ја уапси благајничката на Институтот за белодробни заболувања и туберкулоза од Скопје за проневера од 70.000 евра, соопштуваат од полицијата.

Менаџментот на Институтот се посомневал во висината на остварените приходи од дадените услуги на пациентите, па случајот го пријавиле во Финансиската полиција. Била извршена детална контрола на книговодствената документација и жиро-сметката со која располага Институтот за белодробни заболувања и туберкулоза и се утврдило дека на сметката на Институт фалат околу 70.000 евра, пари од уплатената партиципација од пациентите.Според податоците на Финансиската полиција во текот на истрагата, сега веќе уапсената благајничка од нејзиното назначување за благајник во Институтот во средината на 2010 година па се до нејзиното апсење, во континуитет, паричните средства наплатени од пациентите на Институтот кои и биле предавани од шалтерските работници, наместо да ги уплати на банкарската сметка, си ги земала и се луксузирала.Во изминатите пет години, според Финансиската полиција, педесет иедногодишната Л.Н. во определени денови кога имала потреба од поголема сума на пари, си го земала целиот дневен промет на Институтот, а за да ги затскрие трагите од криминалот и да ја префрли вината на другите вработени во Институтот, ја криела и уништувала книговодствената документација.При претресот на домот на благајничката, биле најдени поголем број каса-прими обрасци од Институтот за белодробни заболувања и туберкулоза кои се изготвувани при примопредавањето на паричните средства од наплатената партиципација од пациентите помеѓу шалтерските работници и благајничката.Во текот на претресот во актовка во домот на осомничената пронајдена е и интерната книга во која биле забележувани примопредавањата на дневниот промет собран од пациентите, а која од неодамна исчезнала од просториите на Институтот.Материјалите откриени при претресот и другата обезбедена документација веќе се доставени до Јавното обвинителство, а судијата на претходна постапка на благајничката и одреди мерка притвор во траење од 30 дена.Сега ќе се испитува и периодот кога пријавената работела на работно место шалтерски работник и имала директен контакт со парите на пациентите./крај/со/ффс