Три лица, од кои е еден 16-годишен малолетник, се се кривично пријавена од страна на СВР Скопје до надлежното Основно јавно обвинителство, осомничени дека се извршители на кражбата од пред две седмици во куќа во скопската населба Гази Баба, кога ограбија околу 17.500 евра, соопшти во петокот министерството за внатрешни работи.

На 15-ти август во Полициската станица Гази Баба е пријавено дека во домот на 73-годишниот скопјанец Р.С. е извршена кражба, а рамките на куќата се наоѓа и вулканизерски сервис и деловни простории кои се во негова сопственост. Полициските службеници при увидот констатираа дека од гардероберот во спалната соба се однесени 17.500 евра во различни апоени. Констатирано е и дека делото е извршено со употреба на сила и прекачување на сторителите преку прозорецот од кујната пришто без никакво претурање од гардероберот биле пронајдени и одземена посочената сума пари.

Веќе следниот ден во полициската станица на разговор се повикани четири лица, меѓу кои и сега пријавените, К.И. (38), Ј.С. (19) и малолетното лице на возраст од 16 години, сите од Скопје, кои биле вработени во вулканизерскиот сервис на оштетениот а биле на работа денот кога се склучила кражбата. Од направените разговори и преземените мерки, констатирано е дека тројца од вработените и малолетникот по претходен договор, откако првопријавениот дознал каде оштетениот ги чува парите и ја извршиле кражбата.

Така, во времето меѓу 8,30 и 9,30 часот, додека оштетениот не бил во куќата К.И. и Ј.С. чувале стража а малолетниот, со употреба на сила се прекачил од прозорецот на кујната во куќата и се упатил кон спалната соба каде што кваката била заврзана. Откако ја одврзал влегол во спалната соба ги пронашол парите ставени во кеса и откако ги ставил под маицата повторно ја заврзал кваката и излегол надвор од куќата. Парите 17.500 евра или во денарска противредности 1.076.250 денари- ги сокриле до камион ладилник паркиран во дворот и по завршувањето на работното време во 16,00 часот ги земале и се упатиле во домот на второпријавениот каде дел од парите поделиле меѓу себе, а дел 13. 880 евра ги сокриле во близина на неговиот дом.

Во разговорот тројцата го признале делото, 13.880 евра како и уште 800 евра (вкупно 14.680 евра) биле дадени на лице, наводно како честење бидејќи наводно добиле на бинго, се одземени и со потврда вратени на оштетениот, додека остатокот пари 2.820 евра ги потрошиле во кафулиња и во коцкарници, како и за враќање нивни долгови./крај/мф/ффс

Извор: Макфакс