Црна хроника
Уапсени пет лица заради криумчарење на мигранти, еден мигрант ранет
Министерството за внатрешни работи соопшти дека во неделата реализираше акција за откривање на криминална група од Скопје за која постоеја оперативни сознанија и информации дека извесен период се занимава со криумчарење и транспорт на илегални мигранти од јужната граница со Република Грција, кон северната со Република Србија.
Во акцијата се приведени пет осомничени лица за превоз на илегалните мигранти и 28 странски државјани кои илегално влегле во земјава, по потекло од Сомалија, Сирија и Пакистан. Меѓу нив имало и шест малолетници на возраст од 5 до 13 години.
Согласно претходно изготвен план, на неколку пункта беа поставени полициски службеници заради вршење на контрола на возилата за кои постоеја индиции дека во нив се транспортираа мигрантите.
Околу 22,00 часот на патниот правец од Струмица кон Радовиш, од страна на униформирани полициски службеници од РЦ „Југ“, направен е обид да бидат сопрени пет патнички возила меѓу кои едно „БМВ“, две возила „Ауди“, еден „Фолксваген Голф“, сите со скопски регистерски ознаки, како и едно возило по кое сеуште се трага. Наместо да постапат по полициската наредба и да застанат, лицата кои ги управувале наведените возила се дале во бегство. Од страна на еден полициски службеник биле испукани неколку куршуми во воздух за предупредување, по што едно од возилата скршнало кон патролата веројатно со намера да ги заплаши и прегази полициските службеници, доведувајќи ги во опасност.
Еден од полициските службеници испукал кон возилото за да го оневозможи и го погодил во багажникот. При тоа е погодено едно лице, илегален мигрант, кој бил сокриен во багажниот простор. Ова било утврдено откако возилата биле сопрени на следниот поставен пункт во непосредна близина на клучката за Радовиш.
Имено едно возило било напуштено и оставено на половина километар од инцидентот, две од возилата имале меѓусебен судар во близина на следната контрола, едно возило било сопрено од полицијата, а петтото по кое се трага успеало да побегне. Илегалниот мигрант кој бил повреден е пренесен во УЦ-Скопје, каде му е констатирана огнострелна рана.
За настанот веднаш е известен надлежен Јавен Обвинител и Секторот за внатрешна контрола и професионални стандарди.
Се преземаат мерки за целосно расчистување на случајот./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Куршум се одбил од подот и погодил момче во Кичевско – пукањето на прослава заврши со повреда
Двајца мажи од кичевското село Трапчин Дол се лишени од слобода откако 16-годишно момче било повредено од куршуми испукани при семејна веселба.
Како што информира МВР, на 22 јули околу 2:30 часот по полноќ, полициски службеници од ОВР Кичево ги привеле Ф.Ф. (36) и Ч.Ф. (52). За време на славје во дворот од семејната куќа, Ф.Ф. пукал неколку куршуми од пиштол, кои по одбивање од подот повредиле момче од селото Стрелци.
Повредениот бил веднаш пренесен во Општата болница во Кичево, а полициски екипи извршиле увид на местото на настанот. Се работи на целосно расчистување и документирање на случајот, по што ќе следуваат соодветни пријави.
Црна хроника
Приведен татко, кој питал со ќерка си во Дебар
Полицијата од ОВР Дебар поднесе кривична пријава против 30-годишниот С.Р. од Скопје, поради запуштање и малтретирање дете.
Инцидентот се случил на 10 јули околу 20:40 часот, кога при контрола на улицата „Елена Ѓика“ во Дебар, полицајците го затекнале пријавениот како питачи со неговата петгодишна ќерка. По настанот, биле повикани претставници од Центарот за социјални работи во Дебар и адвокат за малолетници, а С.Р. бил лишен од слобода.
По целосно документирање на случајот, против него ќе биде поведена соодветна постапка.
Црна хроника
Девојка со автомобил удри во велосипедист, паркирано возило и објект во Тетово, повредена е
Едно лице е тешко повредено, а едно со полесни повреди во сообраќајна несреќа што се случила вчера околу 17:10 часот на локалниот пат Тетово – село Требош.
Според информациите од МВР, возило „фолксваген поло“ со тетовски регистарски ознаки, управувано од 22-годишна девојка од село Ратае, излетало од патот по што удрило во велосипедист од село Требош, потоа и во паркирано возило „фиат“ и завршило во деловен објект.
Девојката зад воланот се здобила со тешки телесни повреди, додека велосипедистот е полесно повреден. Двајцата се пренесени во Клиничката болница Тетово.
По наредба на јавен обвинител, извршен е увид од страна на екипа на СВР Тетово.
Трамп се сретна со Безос во Белата куќа, разговараа повеќе од еден час
Американскиот претседател Доналд Трамп се сретна со основачот на Амазон, Џеф Безос, во Белата куќа минатата недела, дознава Си-ен-би-си. Средбата...
Работа од далечина, ослободување за ранливите категории на граѓани: власта со препораки за работодавачите поради топлотниот бран
Министерството за здравство информира дека согласно најновата прогноза од Управата за хидрометеоролошки работи (УХМР), топлотниот бран со температури над 40°C...
13 обвинети признаа вина за случајот со измамите со инвалидските пензии и туѓата нега – пресудена затворска казна
Тринаесет обвинети во предметот „Синдром“ склучија спогодби со Обвинителството и врз основа на тоа Основниот кривичен суд Скопје изрече пресуди, при...
Линеарното покачување на пензиите од 1.000 денари ќе стигне во Собранието пред да се распишат изборите, вели Мицкоски
Владата, на денешната седница, ќе го разгледа предлог-законот со кој пензиите, место процентуално, наесен и следната пролет ќе се покачат...
Македонец почина на плажа во Драч
Турист од Македонија почина вчера на плажа во Драч, Албанија. Инцидентот се случил вчера околу 19 часот во близина на...
Бронзен медал за македонскиот тим на Европската олимпијада во информатика
Македонските ученички информатичарки трета година по ред се оние што успешно ја претставуваат Македонија на меѓународните олимпијади по информатика. На...
Стабилизирана состојбата со пожарот во Преспа, но природата претрпе голема штета
Пожарот што го зафати Езерани во Преспа е ставен под контрола, информира Македонското еколошко друштво. Според нив, ноќта била релативно...
Шест пожари сè уште активни, 38 интервенции на отворено во изминатoто деноноќие
Во изминатите 24 часа, Центарот за управување со кризи (ЦУК) евидентирал вкупно 38 пожари на отворен простор низ земјата. Од...
Утре почнуваат нови преговори меѓу Украина и Русија
Нова рунда мировни преговори меѓу Украина и Русија е планирана за среда во Турција, изјави украинскиот претседател Володимир Зеленски цитирајќи...
„Влен“: Бујар Османи одржал 11 состаноци во Белград, 0 во Косово
„За само четири години како министер, Бујар Османи трчаше 11 пати на средби во Белград, а ниту еднаш во Приштина....
(Видео) Расте бројот на жртви во падот на воен авион во Бангладеш: причина за несреќата механички дефект
Најмалку 27 лица загинаа откако авион за обука на воздухопловните сили на Бангладеш се урна вчера во универзитетски и училишен...
(Видео) Синот на Бајден: Апчињата за спиење се виновни за дебаклот на дебатата со Трамп
Хантер Бајден во ново интервју изјави дека татко му, поранешниот американски претседател Џо Бајден, зел апче за спиење пред неговата...
(Видео) Автобус со рудари излета во 25-метарска бездна во Русија: 13 мртви, 20 повредени
13 лица загинаа, а 20 се повредени откако автобус што превезувал рудари паднал во провалија во далечната источна руска република...
Зголемена фреквенција на возила на ГП Табановце за влез и излез од државата
Сообраќајот на државните патишта се одвива по суви коловози. АМСМ известува дека денеска во време од 08:00–16:00 часот ќе биде...
Претежно сончево и многу топло, максималната температура до 42 степена
Времето денеска ќе биде претежно сончево и многу топло. Ќе дува слаб до умерен, а во западните делови повремено засилен...
ДУИ ги соопшти имињата за градоначалници и во Тетово и Желино, за Гостивар ќе чека предлог од Таравари, а за Струга од Села
Претседателот на Демократската унија за интеграција (ДУИ), Али Ахмети, свика редовна седница на Централното претседателство на партијата, на која беа...
Бујар Османи ја објави кандидатурата за градоначалник на Чаир: „Не се работи за функција“
Бујар Османи од Демократската унија за интеграција (ДУИ) денес официјално ја објави својата кандидатура за градоначалник на општина Чаир. Одлуката,...
Стабилизирана ситуацијата со пожарот кај Преспа, продолжува гаснењето во прилепско
Пожарот што избувна во близина на Преспанското Езеро е ставен под целосна контрола, информира директорот на Дирекцијата за заштита и...
Мицкоски предлага пет различни потрошувачки кошнички: Не се исти потребите на еден пар пензионери и на еден млад брачен пар
На првата седница Економско-социјалниот совет во кој ќе членуваат претставници на сите синдикати, ќе се разгледува нов начин на пресметување...
(Видео) „Во мандатот на Шукова во МЖСПП бевме труени со отровен мазут, СДС и Каја губат во првиот круг“, вели Манасиевски
„СДС И Каја Шукова губат во прв круг, во мандатот на Шукова во МЖСПП бевме труени со отровен мазут. Кој...
