Црна хроника
Учесниците во Вардарската регата Гемиџии наидоа на човечки останки

Според учесниците во регатата, од изминатите четирите етапи, највозбудлива била третата. Првата, пак, била највпечатлива, не само затоа што по 100 година повторно заплови велешката гемија, туку заради пронаоѓањето на човечи труп.
По изминати 130 километри низводно по реката Вардар од Велес до Гевгелија, по 16-ти пат учесниците на Вардарската регата Гемиџии допловија во неделата во Гевгелија каде што ги споделија впечатоците.
„Само што го поминавме Градско, погледот ми го привлече непријатна глетка. Гласно изреагирав, сите од чамецот бевме сигурни дека тоа е човечки труп. Ја известивме полицијата. Она што со голо око сите можевме да го заклучиме е дека станува збор за машки труп кој беше во многу напредна фаза на распаѓање“, вели еден од учесниците на Вардарската регата Гемиџии.
Од СВР Велес го потврдуваат настанот. Реагирале веднаш, по барање на Јавното обвинителство, телото е предадено во Судска медицина за обдукција. Идентитетот сé уште е непознат.
За само две седмици ова е втор човечки труп пронајден во велешкиот ревир на реката Вардар./крај/мф/ди
Извор: Лисица
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник тешко повреден кога со возилото излетал од патот во Струшко

Ноќеска во 22:10 часот, на локален пат во струшкото село Радолишта, патничко возило „голф“ со струшки регистарски ознаки, управувано од 17- годишно момче од струшкото село Франгово, излетало од патот.
Возачот се здобил со тешки телесни повреди, констатирани во болницата „Св.Еразмо“ во Охрид, а 15-годишен сопатник од селото Заграчани со телесни повреди, констатирани во Општата болница во Струга.
Извршен е увид од увидна екипа од СВР Охрид.
Црна хроника
Прегазен малолетник во Охрид

Синоќа во 21:05 часот, на булеварот „Туристичка“ во Охрид, патничко возило „даихатсу“ со скопски регистарски ознаки, управувано од С.Г.(69) од Скопје, удрило во малолетен пешак од Охрид.
Во несреќата со тешки телесни повреди се здобил малолетникот, констатирани во Специјалната болница „Св.Еразмо“ Охрид.
Полицијата соопшти дека е извршен увид од увидна екипа од СВР Охрид.
Црна хроника
Мајка замавнала со ножот и го повредила синот: при семејна расправија во Дебар

Вчера во 17 часот во Дебар, полициски службеници од ОВР Дебар ја лишиле од слобода 62-годишната Т.В. од Дебар.
Таа околу 15:30 часот при расправија во семејниот дом со остар предмет замавнала и нанела повреда на нејзиниот 31-годишен син.
По целосно документирање на случајот ќе следува соодветна пријава, соопшти полицијата.