Црна хроника
Украдени пушки, ракија и вино од локал во село Лисец
Две ловечки пушки, пили, бурмашини и неколку пакети вино и ракија биле украдени од угостителски објект во село Лисец, соопшти Министерството за внатрешни работи.
Кражбата се случила во среда, во точно неутврдено време, во локалот „Шари“, што се наоѓа на патот за Попова Шапка, во сопственост на М.Х. (44) од Тетово.
Арамијата влегол во објектот преку незаклучената врата од шупата и украл ловечка пушка „Мозберг“ сопственост на М.Х., која ја поседува со одобрение, ловечка пушка сопственост на негов пријател кој е на привремена работа во странство, три моторни пили, две бурмашини, хилта, неколку пакети вино и ракија, со што причинил материјална штета од околу 120.000 денари.
Полицијата презема мерки за пронаоѓање на сторителот.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.