Црна хроника
Уште една пријава за сопственичката на агенцијата „Виаџо“, измамила петнаесетина иселеници
Прилепската полиција поднесе кривична пријава против сопственичката на поранешната туристичка агенција од Прилеп „Виаџо“ којашто е во стечај. Прилепчанката која пред неколку години измами прилепчани кои уплатија летувања преку оваа агенеција за Шпанија, Турција, Египет, извршила промена на седиштето на агенцијата од Прилеп во Скопје под името „Сториа травел“ и продолжила со измамите.
Кон крајот на 2015 и 2016 година почнала повторно да врши туристички услуги, се претставувала лажно дека е овластена да продава промотивни авио карти – по цени далеку поевтини отколку реалните, без да ги поседува потребните дозволи – сертификати за организирање на авио превоз – ИАТА сертификат, и без да склучува било какви Договори за соработка со авио превозниции.Иселениците парите ги уплаќале на жиро сметката на фирмата „Сториа травел“, а на поголем број од нив парите им биле наплаќани во готово. На дел од оштетените им издавала каса-прими, од други оштетени, пак, примала пари во готово пред нотар. Исто така дел од оштетените паричните средства ги уплаќале на жиро сметка сопственост на нејзината мајка која жиро сметка не е сопственост на агенцијата, а голем дел од оштетените граѓани, посебно граѓани кои живеат во странство, парите и ги плаќале лично на пријавената преку услугата „Брз трансфер на пари“, особено во периодот додека се води стечајната постапка, односно пред активирањето на жиро сметката на фирмата во март 2016 година. За целокупното работење прилепчанката не водела никаква книговодствена евиденција, ниту издавала фискални сметки, ниту, пак, прикажувала и плаќала ДДВ. Имено, за примените пари пријавената на дел од оштетените граѓани им изготвувала договори за аранжмани без датум на склучување на договорите, при тоа не водејќи сметка дали фирмата е во фаза на стечај, дали е со седиште во Скопје или Прилеп, при што предмет на Договор се количински определен број на авио карти со неопределен датум на лет и релација и дестинација, само со наведување на авиопревозникот, а со важност од една, три или пет години, со напомена задолжително букирање на авио картите 30 дена пред денот на летање, до 72 часа пред летот со можност за промени.На други пак, преку електронска коресподенција им доставувала само резервација за авио карта без притоа да им достави авио билет кој се обезбедува откако плаќањето ќе биде извршено. Како гаранција дека истата им обезбедила авио карти се електронски термини на летовите кои се вклучени за одредена дестинаци, додека на ниту еден од оштетените граѓани им нема доставено потврда за извршено плаќање на авио карта. Иселениците ги намамувала преку нејзина братучетка, која често патувала во странство и има контакти со иселеници од Македонија, кои имале потреба од авионски карти за посета на Македонија. Братучетката ја вработила во нејзината фирма од 01.03.2016 година, а ја овластила и за потписник на жиро сметката од 10.07.2016. На ваков начин пријавената оштетила петнаесетина субјекти од кои едно е правно, а останатите се физички лица и притоа се стекнала со противправна имотна корист од 1.613.446 ден./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.