Црна хроника
Велешанка грабната и малтретирана во Скопје
Велешанка пријавила дека во саботата попладне била нападната, однесена во куќа во Трубарево и малтретирана.
Според пријавата, додека четириесет и шестгодишната жена од велешкото село Црешево чекала автобус на Бит Пазар, и се доближило непознато лице и ја прашал каде ќе оди.
Таа одговорила дека не се чувствува добро и дека ќе оди во село Драчево. Лицето се качило со неа во автобус и откако двајцата слегле во село Трубарево каде што живеело лицето, ја натерал да се избања, а потоа физички ја нападнал барајќи од неа да прави се што ќе и кажел. Потоа и го зел мобилниот телефон и со сила ја однел до автобуската станица во село Трубарево, по што жената го пријавила настанот.
Полицијата по кратко време привела триесет и двегодишен маж и работи на целосно расчистување на случајот. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.