Жител на село Ваксинце превезувал мигранти од Сирија, но завршиле во верижен судир со други три возила. Сообраќајката се случила во понеделникот околу 16 часот кај наплатната рампа Романовце на автопатот Скопје -Куманово меѓу комбе со бугарски национални ознаки, автомобил „форд орион“ со кој се превезувале четворица мигранти од Сирија, автомобил „авео“ и „киа“.

По сообраќајката двајца од мигрантите заедно со возачот избегале, а другите двајца биле приведени. На полицијата и’ кажале дека откако илегално влегле во Македонија, се упaтиле кон Куманово. Жителот на село Ваксинце запрел со возилото и им понудил за сума од 400 евра да ги превезе до село Лојане.Во несреќата со телесни повреди се здобиле возачот на комбето, еден сопатник од возилата и мигрант од Сирија, по укажана лекарска помош сите се пуштени на домашно лекување. Возачот на мигрантите е приведен и против него ќе следува пријава, а странските државјани се сместени во Прифатниот центар за странци во Скопје и се преземаат мерки за расчистување на случајот./крај/мвр