Вкупно 78 лица и пет фирми се осомничени дека внесувале лажни податоци за да добијат повисоки субвенции од државата, соопшти МВР.

Четириесет и едногодишен кочанчанец сопственик и управител на фирмата „БМФ“ ДОО Зрновци од средината на јуни до крајот на август минатата година, во име на фирмата повеќе пати во потврдите за откупена или преработена оризова арпа внесувал невистинити податоци кои ги заверувал со свој потпис и печат. Пријавениот во потврдите внесувал количина за откупена оризова арпа поголема од стварно откупената количина која е констатирана од приемниците. Таквите потврди ги издавал на коминтентите, со што овозможил истите да аплицираат за поголем износ за субвенции од износот кој реално би го добиле.Потврдите кои им биле издадени, 77 лица и четири фирми, ги поднеле при барања за директни плаќања (субвенции ) од програмата за финансиска поддршка во земјоделство за 2013 година во Агенција за финансиска поддршка и рурален развој при Министерство за земјоделие шумарство и водостопанство.Против сите е поднесена кривична пријава за Фалсификување или уништивање деловни книги./крај/мвр