На дното на Црн Дрим, полицијата пронашла пиштол, кој ќе биде вештачен за да се установи дали е употребуван во некое кривично дело.

Како што соопшти полицијата, во вторникот, од 11 до 13 часот полициски службеници од НККР-Струга и полицијата од Велешта извршен бил преглед и претрес на терен од ресторан „Софра“.Кон селото Ташмаруништа,  во водите на реката Црн Дрим во непосредна близина на мостот, на длабочина од околу 3 метри бил изваден пиштол, непозната марка и калибар, сребрена боја.Од страна на крим.техника истиот е фотографиран и предаден на понатамошно вештачење.Инаку, на 13 декември во селото Долна Белица се случи убиство на едно лице, а рането беше уште едно лице. Полициската станица од Струга поднесе кривична пријава против Б.Б.(45) и Е.Б.(30) двајцата од село Велешта и против три непознати лица поради постоење основи на сомнение за сторени три кривични дела „убиство“, „убиство во обид“ и „недозволено изработување, држење и тргување со оружје или распркувачки материјали“. Пријавените се осомничени дека на 13.12.2015 година, со огнено оружје го убиле Ф.И.(23) од село Долна Белица, а го раниле неговиот брат П.И.(18) од село Долна Белица.Истрагата треба да покаже дали најдениот пиштол  бил користен во ова кривично дело./крај/со/бб