Двајца добија кривични пријави поради пуштање во оптек фалсификувани денари и евра, на територија на Куманово.

Имено, СВР Куманово поднесе кривична пријава против Т.Б. (22) од Струмица поради постоење основи на сомнение за сторено кривично дело „фалсификување пари“. На 18 декември лани, полициски службеници во спортската сала Куманово нашле 18 фалсификувани банкноти во апоени од по 1.000 денари со ист сериски број. Од преземените мерки утврдено е дека во текот на 2012 година такви банкноти се пронајдени кај пријавениот. Од страна на СВР Струмица е извршен разговор и е утврдено дека истите ги пуштал во оптек во ноќните клубови низ градовите во Македонија.СВР Куманово поднесе кривична пријава и против Б.Џ. (30) од село Опае, кумановско, поради постоење основи на сомнение за сторено кривично дело „фалсификување пари“.Полициски службеници извршиле претрес во домот на пријавениот во село Опае при што се пронајдени и одземени 10 фалсификувани банкноти во апоени од по 50 евра со ист сериски број, кои пријавениот во текот на месец октомври 2015 година ги набавил со цел да ги пушти во оптек иако знаел дека се фалсификувани./крај/со/бб