Тројца вработени во „Македонски шуми“ во Македонски Брод дозволиле бесправна сеча на дрва со што предизвикале штета од над 1,5 милиони денари на јавното претпријатие, соопшти МВР.

Полицијата поднесе кривична пријава против лицaта: С.С.(44) вработен во ЈП „Македонски шуми“ како шумарски инженер, Б.Б.(60) вработен во ЈП „Македонски шуми“ како референт за сеча и дотур, Т.Љ.(57) вработен во ЈП „Македонски шуми“ како контролор на рампа и С.Д.(51) вработен во приватна фирма-рибник, сите од Македонски Брод., за сторени кривични дела –„несовесно работење во службата“и „пустошење на шума“. 

Во октомври и ноември гoдинава тројцата вработени во претпријатието спротивно на прописите извршиле пустошење на шумата дозволувајќи безправна сеча на дабови стебла во вкупна количина од 220,81м3 со што прибавиле имотна корист или предизвикале имотна штета на претпријатието од 1.545.670 денари. 

Четвртопријавениот како осомничено лице во договор со прво и второпријавениот, искористувајќи го отсуството на нивниот должен надзор и несовесно постапување доставил Барање за сеча во ШСЕ „Песјак“, по што откако му била издадена Дозвола за сеча за бараната количина, истиот од првопријавениот побарал и бил упатен да посекува дрва во забранетите пододдели на месноста викана .„Попотепало“ без присувство на шумочувар. 

Истиот ден лицето иако свесно дека врши безправна сеча од забранети пододдели извршило посекување на сурови дабови дрва во количина од 5,6 м3, но бидејќи истиот е забележан и фатен на лице место од страна на шумочуварската служба како врши утовар на претходно наведената дрвна маса,  истиот во револт ги истоварил дрвата и си заминал оставајќи ги истите на лице место, кои привремено се одземени и со записник предадени на ЈП„Македонски шуми“.крај/мф