Во акцијата на Царинската управа за контрола на продажбата на акцизна стока во четвртокот продолжи на територијата на Дебар, Охрид и Струга, и притоа во контролите извршени во 15 објекти и повеќе зелени пазари, регистрирани се неправилности во четири случаи и задржани се околу 100 литри алкохол без бандероли и со сомнително потекло.

Во два угостителски објекта во Дебар и Охрид е утврдена нелегална продажба жестоки пијалаци и одземени се 9 литри алкохолни пијалаци, како коњак, вотка, виски и ликер, додека при контрола на зелените пазари во Охрид и Струга кај 2 физички лица се откриени и одземени 83 литри домашна ракија и 5 литри коњак.

Сите привремено задржани алкохолни пијалаци, во вкупно количество од 97 литри, не биле означени со контролни марки, ниту поседувале каков и да е сертификат за квалитет, а се нуделе на продажба. Против прекршителите Царинската управа презема соодветни мерки.

Повеќе тимови од царински службеници претходно во четвртокот извршија контрола на продажбата на ацизна стока на повеќе зелени пазари, како и во малопродажни и угостителски објекти на територијата на Битола, Кичево и Прилеп, при што се неправилности се откриени во 12 случаи и привремено се задржани вкупно 251 литар алкохолни пијалаци, од кои 243 литри домашна ракија и 8,3 литри други алкохолни пијалаци./крај/мф/сн

Извор: Макфакс