Во текот на минатата недела и викендот, царинските службеници открија повеќе обиди за криумчарење стока, при што привремено се задржани девизи, пиротехнички средства, козметика, цигари, делови за мобилни телефони и фалсификати. 

На скопскиот аеродром Александар Велики, при личен претрес на косовски државјанин, кој имал намера да отпатува со лет за Брисел биле откриено 10 илјади евра. При контрола од страна на аеродромското обезбедување, патникот пријавил дека носи со себе девизни средства, по што бил извршен личен претрес од страна на царинските службеници. Притоа во џебовите од неговите панталони пронајдени се 20 илјади евра, за кои патникот не поседувал доказ за потекло и потврда за пријавени девизни средства на влез во државата. 

Согласно законските прописи, на патникот му се вратени 10 илјади евра, износ што нерезидент може слободно да го изнесе од Република Македонија.

На граничниот премин Делчево, при контрола на патничко моторно возило со бугарски регистарски таблички со кое за влез во државата се пријавиле двајца македонски државјани, биле откриени 38 парчиња пиротехнички средства (огномети ENIGMA FIREWORKS и Flying Tiger Candle и петарди Triangle Cracкеr).

Пиротехничките средства се пронајдени во фиоката за документи, помеѓу предните седишта и во јакната на совозачот.

На граничниот премин Делчево, при контрола на патничко возило со бугарски регистарски таблички, управувано од македонски државјанин, пријавено за излез од државата, биле откриени 30 штеки цигари, марка YORK, BENSTON SLIMS, YORK GOLD и LD VIOLET-SUPER SLIM, со македонски акцизни маркички. Непријавените цигари биле сокриени во предниот и задниот браник и во фабричка преграда во багажниот простор на возилото./крај/мф/бс