Смена на кадри во уште три здравствени установи, во болницата во Бардовци останува истиот директор

Министерството за здравство информира дека минатата недела биле именувани нови директори во уште три јавни здравствени установи.

За директор на Геронтолошкиот завод е поставена Салија Љатиф, на Институтот за белодробни заболувања кај децата – Козле – Ангелчо Андоновски и на Универзитетската клиника за ревматологија – Филип Гучев.

Од МЗ информираат дека во Психијатриската болница Бардовци останува досегашниот директор, Ќамиљ Ковачи.

Исто така, разрешени се економските директори во следните јавни здравствени установи: Клиничка болница Тетово, Клиничка болница Штип, Универзитетска клиника за радиотерапија и онкологија, Универзитетска клиника за кардиологија, Универзитетска клиника за кардиохирургија, Универзитетска клиника за клиничка биохемија, Универзитетска клиника за неврохирургија, Универзитетска клиника за дигестивна хирургија, Универзитетска клиника за пластична хирургија, Универзитетска клиника за торакална и васкуларна хирургија, Универзитетска клиника за гастроентерохепатологија и Универзитетска клиника ТОАРИЛУЦ.

„Во врска со именувањата директори во јавните здравствени установи Министерството за здравство истакнува дека стоиме зад донесените одлуки и веруваме дека заеднички со овие кадри ќе ја реализираме нашата визија за подобро здравство за сите граѓани на Република Македонија“, се вели во соопштението.