Контакт

Daily news

Филмски скандал (втор дел): Дали серијата за Шатев ќе ги оправда милионите?

Објавено пред

По принципот кучињата лаат карванот врви, и покрај бројните неразјаснети околности под кои е одобрена и платена серијата „Македонија“, нејзиното снимање почна. По пишувањата на „Макфакс“, во кои се отворија многу прашања за досега најскапата серија што е одобрена од домашната Агенција за филм, ветото за информации што досега го имаше, нештата полека се расплеткуваат, но и натаму е мистерија каде се средствата одобрени за четири сезони (дознавме дека тоа се однесува на сценаријата), што е преседан кога станува збор за договори од ваков карактер.

Официјално, хрватската продукцијата „Јадран филм“ и нејзиниот сопственик Винко Грубишиќ досега добиле 80 отсто од средствата за првата сезона и овие пари се одлеале во подготовките и претпродукција.

До овој момент склучен е анекс-договор за исплата само за првата сезона од серијата, за која е одобрен максимален износ до 85.000.000 денари, при што се исплатени 80% од истите за подготовка и реализација на првата сезона. Исто така, со таа динамика на исплата треба да се продолжи ако има позитивен извештај за трошењето средства, односно истите се во согласност со доставениот буџет од страна на продуцентот. Значи, сумата од 4,6 милиони евра или 280.000.000 денари би била исплатена ако има реализација на договореното.

Ако се направат груби пресметки, една сезона би го постигнала буџетот колку што чини еден просечен македонски игран филм, или во случајов и овие милиони не би биле доволни за 130 епизоди.

Се спомнуваат бројни рецензенти на сценариото, кое е неколкупати сменето, потоа дефинирање локации, менување режисери и продуцентски имиња во земјава кои ќе ја преземат работата. Во процесот на работа е исто така спорно како се добиваат средства за едни потписници за вршење на работата, а потоа се појавуваат други.

Конечно, за оваа серија пред две години имало јавен повик од Агенцијата за филм, како проект од национална важност, на кој Јадран филм „победила“  со најдобро сценарио. Деновиве ќе се обелодени која комисија во филмската институција одлучила за продукцијата од Хрватска, иако таа досега нема реализирано ниту една серија, а за епизодите на „Гричка вјештица“, што ја работи по популарните романи на Марија Јуриќ – Загорка, во Хрватска ја следат многу контроверзии поврзани со пари добиени под чудни околности.

Во демантот што по нашите пишувања го испрати поранешната директорка на Агенцијата, Мими Ѓорѓоска-Илевска, таа ги образложуваше административните постапки за склучување договори.

„Во врска со критериумот изводливост на аудиовизуелното дело во однос на буџетот, сложеноста, планот и термините за снимање, евалуациите се вршат од страна на финансиски советник (согласно со член 24 од Законот) кој пополнува евалуациони листи со бодови и дава свое мислење за секој проект одделно. Филмскиот совет врз основа на целокупната документација произлезена од постапката на евалуација, а согласно со член 22 став 3 алинеја 2 му дава мислење на директорот на Агенцијата кои проекти доставени на конкурс врз основа на постапката по конкурс треба да бидат прифатени, односно одбиени по конкурсот“.

Според наши сознанија, финансиски советник на директорката бил наводен продуцент со блиски роднински врски во раководството на тогашната владејачка партија, инаку речиси анонимен во оваа дејност. Но, ги чекаме официјалните документи кои ќе можат да ја потврдат оваа информација.

И покрај сè, продуцентот Грубишиќ најавува одлична серија која ќе биде професионално сработена.

Агенцијата за филм била предупредена за ризикот во кој влегува.

Како што дознавме, поранешната директорка на Агенцијата за филм била предупредена од сродната филмска институција во Хрватска за можниот ризик за соработка со „Јадран филм“. Испратен е допис за регионална меѓуколегијална размена на информации, во која ѝ е предочено за кредибилитетот на куќата што добива средства од Македонија.

Сите овие искази на неговите филмски колеги од Хрватска Грубишиќ ги толкува како обид за реваншизам и штитење лични интереси, и ветува спектакуларна серија која би имала одлична дистрибуција во светот. Спомнува и холивудски актери и тврди дека сите рецензенти, чии имиња сè уште не ги знаеме, се изјасниле дека оваа серија би постигнала планетарна гледаност. Каде е тука националниот интерес на Македонија што бил пресуден за потреба од реализација на ваква серија? Дали преку некои интригантни детали во сценариото светот да дознае за нашата историја, или очекувањата се таа да заработи, исто така е нејасно.

Интересот на Грубишиќ за Македонија е од 1983 година

Објаснувањата на Грубишиќ се дека тој оваа серија ја работи со „голема љубов“ бидејќи, како што вели, „уште од далечната 1983 година го заинтригирале некои делови од македонската историја“.

Што се однесува до фабулата на сценариото, првиот негов автор Грубишиќ вели дека  главниот историски лик во оваа серија, Павел Шатев, е централен лик околу кој се плетат трилер приказни, некои базирани на историски факти, а некои оставени на креативната слобода. Главно тоа треба да биде некоја возбудлива трилер историска серија, која се работи со сосема нов пристап  во продукцијата и креативниот дизајн. За динамиката на работа, продуцентот вели дека овие пари се едвај доволни, и оптимални во споредба со бенефитот што таа ќе го донесе.

На овој начин „Јадран филм“ го „оправдува“ ангажирањето на помалку или воопшто неафирмирани имиња од филмската дејност кај нас.

Екипата која моментно се подготвува за да падне и првата клапа за серијата е во интензивна работа. Режисерите што моментно ќе работат на „Македонија“ се Игор Алексов и Стојан Вијучиќ. Извесен режисер Зоран Петровски, кој е потпишан како режисер, повеќе не е во игра.

Контактиравме еден од режисерите на серијата, познат по реализација на воени драми во Хрватска, Кристијан Милиќ, кој ни одговори дека во овој момент нема никаков ангажман и дека не знае кога почнува снимањето.

Исто така, во кастингот што е дефиниран минатиов месец за една од водечките улоги, т.е. најзначајната,  ликот на Павел Шатев, е решено да биде македонскиот актер Емил Рубен, а снимена е и првата музичка подолга, чии автори се држат во тајност.

  • Како автор на оригиналниот концепт на серијата и делови од сценариото врз основа на кој е прифатен проектот, тврдам дека тоа ги избегнува сите делови и контроверзности што имаат каква било пропагандна порака, како што се шпекулираше во јавноста. Станува збор за американски модел и таа креативна парадигма што ја носи тој е раширена на сите делови и епизоди. Креативната екипа на серијата заврши одлична работа, ни рече Грубишиќ.

„Јадран филм“ ја преживеал транзицијата, немал долгови и обезбедил гаранција за „Македонија“.

А што се однесува до влогот што тој нужно треба да се обезбеди, кога продуцентот влегува во партнерски договор со Агенцијата, тој вели дека е обезбеден со странските партнери,  а заработката се очекува од успешната дистрибуција.

  • Довербата што ни е дадена во целост ќе ја оправдаме, а пред целата јавност стоиме со нашата продукција, која годинава бележи 70 години работа и постоење, и „Македонија“ ќе биде реализирана на големо задоволство на сите, тврди Грубишиќ, кој во демантот по нашите пишувања се извини поради тајноста што ја имаше серијата со што отвори многу простор за неоправдани шпекулации.

Потсетуваме дека доминантниот удел во некогаш националната продукција „Јадран филм“ тој го добива по нејзината приватизација. Потеклото на парите со кои ја купил и денеска не е разјаснето, иако имало обид за тоа.

Во последниве години тој се посветува на „Јадран филм“ , очекувајќи од пропадната продукција да направи влијателен произведувач на филмови и ТВ серии. Грубишиќ е, како што вели, горд што тоа е единственото студио од просторите на поранешна Југославија што ја преживеало транзицијата во источна Европа.

  • Сите други банкротираа. „Јадран филм“ имаше купишта проблеми, не само финансиски. Имав избор да го направам невозможното – да го спасам ЈФ или да го распродадам и врз основа на тоа да се збогатам. Како човек од филмот и некој што своето детство го помина во оваа куќа, решив да го спасам. Се замерив со многумина што сакаа ЈФ да пропадне. Во таа битка успеав да ги вратам долговите, и се свртев кон интернационални проекти. Овие два филмски серијали ќе бидат најатрактивни во изминативе децении, ни рече Грубишиќ.

За неколку филмски наслови се обидува да влезе во копродукција со кинески продуценти ( за римеик на „Валтер го брани Сараево“), и најавува реализација на серија по познатиот роман „Гричка вјештица“ по делото на Марија Јуриќ – Загорка. Сепак,  неколкупати е предупреден дека поради големите долгови, „Јадран филм“ ќе мора да оди во стечај.

Приоритетна ревизија на овој проект во Агенцијата за филм

Во меѓувреме, македонската Агенција за филм доби нов директор, кој овој спорен проект ќе треба да го стави под лупа. Наводно тој е еден од приоритетните за да се утврди регуларноста на работата на доскорешното раководство. Ќе се утврдува кој проценил за националната важност на серијата „Македонија“, кој го читал сценариото и дали и колку средства за неа досега се одлеани.

Дел од македонските соработници на „Јадран филм“ ни рекоа дека работата тече непречено и нема никакви индикации дека таа ќе биде стопирана. Во очекување сме на документите што ќе можат конечно да ги разјаснат нештата со „Македонија“ и извесноста дали ова навистина ќе биде иновантна серија што ќе нè промовира во светот или се игри без граници на регионалните продукции за умешно да „прелеваат“ пари.

А. Василевска

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија9 часа

Заев и коалиционите партнери се договорија да настапат со заеднички кандидат за претседател

Владејачката СДСМ и коалиционите партнери на вечерашната средба постигнале согласност за заеднички кандидат за претседател. Како што соопшти партијата, ваквата...

Македонија12 часа

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија14 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија18 часа

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет20 часа

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија20 часа

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет21 час

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Македонија1 ден

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Македонија2 дена

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Свет2 дена

(Видео) Работник кој добил отказ застрела петмина колеги во Чикаго

Пет лица се убиени и пет полицајци се повредени во предградието на Чикаго, кога 45-годишн маж пукал во индустриско складиште...

Македонија2 дена

Притвор за 11 членови на криминална група, разработиле шема за шверц на мигранти од Грција кон Србија

Единаесет членови на криминална група кои што разработиле шема за шверц на мигранти од Грција, преку земјава, кон Србија, завршија...

Македонија2 дена

Почина уште еден повреден во несреќата кај Ласкарци, бројот на жртви се искачи на 15

Изутринава почина уште еден од повредените во тешката сообраќајна несреќа која што се случи на патот Скопје – Тетово, со...

Свет2 дена

Трамп прогласи вонредна состојба

Претседателот Доналд Трамп прогласи национална вонредна состојба на границата Мексико, во обид да обезбеди повеќе пари за ѕидот кој планира...

Македонија2 дена

ВМРО-ДПМНЕ на конвенција во Струга избира партиски кандидат за претседател

ВМРО-ДПМНЕ денеска на Конвенција под слоганот „За честита Македонија“ во Струга го избира партискиот кандидат за претседател на претстојните претседателски...

Македонија2 дена

На „Дурмо турс“ не му е првпат да излета од пат, лани го извлекувале на Косово

На „Дурмо турс“ не му е првпат да излета од патот. Косовските медиуми лани известиле за автобус  на оваа компанија...

Македонија2 дена

Само претседателот Иванов не го промени името на државата на веб-страницата

Сите министерства и државни институции на своите веб-страници го сменија името на државата во Република Северна Македонија, освен претседателот Ѓорге...

Македонија2 дена

МВР: Не е спорно ако сопственикот на „Дурмо турс“ вршел технички преглед преку друга своја фирма

За Министерството за внатрешни работи законски нема ништо спорно во тоа што сопственикот на „Дурмо турс“, Дурмиш Белули, во исто...

Македонија2 дена

„Специјал“ им подели крофни со рок до утре на учениците во „Димитар Миладинов“  

Принцес-крофни со рок на траење до утре им биле поделени денеска како ужинка  на учениците во ООУ „Димитар Миладинов“ во...

Македонија2 дена

МВР: Преземени мерки за спречување терористички напад на ИСИС

Министерството за внатрешни работи соопшти дека презело мерки за спречување терористички напад во земјата. „По претходно разменети оперативни сознанија со...

Свет3 дена

Трамп прогласи вонредна состојба

Претседателот на САД, Доналд Трамп, прогласи вонредна состојба на национално ниво, истакнувајќи дека треба да се искористат вонредните овластувања за...

Досие