Daily news
Американски конгресмен бара Дејтон 2: САД мора да го преземат водството на Балканот
Американскиот конгресмен и поранешен градоначалник на Дејтон, Мајкл Р. Тарнер, со писмо побара од државниот секретар на САД Рекс Тилерсон потпишување на Дејтон 2.
Тарнер, кој бил градоначалник на Дејтон во времето кога е потпишан Дејтонскиот мировен договор за Босна и Херцеговина во 1995 година порачал дека во последно време е загрозен мирот на Балканот, дека тој регион се наоѓа во критичен период и дека поради тоа САД повторно мора да го преземат водството.
„Минатата недела обележавме 22 години од потпишувањето на Дејтонскиот мировен договор, договор кој стави крај на повеќегодишното крвопролевање и создаде предуслови за траен мир во БиХ. Во тоа време бев градоначалник на Дејтон и од прва рака сведочев како американската дипломатија на иста маса ги собра спротиставените страни“, рекол Тарнер.
Тој во писмото го известил Тилерсон дека стравува за загрозеност на мирот постигнат во Дејтон.
„Сега е клучен период за регионот и САД мора повторно да го преземат водството и да ги помират противничките страни“, навел Тарнер.
Предложил САД да бидат домаќин на потпишување на нова верзија на Дејтонскиот договор.
„Србите, Босанците, Хрватите и останатите само со американско лидерство може да живеат заедно во мир и да ја осигураат безбедноста и еднакви права на сите народи. Не смееме да дозволиме овој и онака нестабилен регион да се втурне во неред затоа што противниците на демократијата одвај чекаат да го искористат хаосот“, рекол американскиот конгресмен.
Претседателот на Република Српска, Милорад Додик, навел дека не е за нов Дејтонски договор.
„За мене е прифатлив изворниот Дејтон. Знаејќи како делуваат тие конгресмени и сенатори во американскиот систем можно е да се работи за нечие лобирање. Мислам дека нема потреба од Дејтон 2. Ние не сме за тоа. Ние сме за внатрешен договор без мешање на странци“, рекол Додик за националната телевизија Н1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.